నెట్టింట హల్చల్ చేస్తున్న 'జ్వరం కావాలా'?మీమ్స్..!!

టాలీవుడ్ కొత్త సినిమా ఉప్పెన ట్రైలర్ సోషల్ మీడియాలో హల్చల్ చేస్తోంది. మెగా ఫ్యామిలీ మేనల్లుడు పంజా వైష్ణవ్ తేజ్ హీరోగా పరిశ్రమలో ఎంట్రీ ఇస్తున్నాడు. ఈ సినిమాతో కన్నడ యువనటి కృతిశెట్టి కథానాయికగా పరిచయం అవుతోంది. నూతన దర్శకుడు బుచ్చిబాబు సాన దర్శకత్వం వహిస్తున్న ఈ సినిమాలో మక్కల్ సెల్వన్ విజయ్ సేతుపతి పవర్ ఫుల్ విలన్ క్యారెక్టర్ లో కనిపించనున్నాడు. అయితే ఫిబ్రవరి 4న ట్రైలర్ విడుదలైన నిమిషం నుండే సోషల్ మీడియాలో ఉప్పెన సినిమా గురించి మీమ్స్ క్రియేట్ అవుతున్నాయి. నిజానికి ఈ మధ్య సోషల్ మీడియా వాడకం పెరిగినప్పటి నుండి మీమ్స్ రాయుళ్ళు కూడా రెచ్చిపోతున్నారు. కొత్త సినిమాల పై, హీరోల పై ఫన్నీ మీమ్స్ తెగ క్రియేట్ చేసి వదిలేస్తున్నారు. అయితే ఉప్పెన సినిమా పై మీమ్స్ షేర్ చేసుకుంటూ అటెన్షన్ ప్రకటిస్తున్నారు ప్రేక్షకులు.

ముఖ్యంగా ట్రైలర్‌లో హీరోయిన్ హీరోను 'జ్వరం కావాలా' అని అడిగి కిస్ చేసే సీన్ భీభత్సంగా వాడుకుంటున్నారు. ఆ తర్వాత హీరో తన ఫ్రెండ్ తో 'ఓరే తాలింపూ' అని అంటాడు. అలాగే విజయ్ సేతుపతి లవ్ గురించి పవర్ ఫుల్ డైలాగ్స్ చెబుతాడు. ఈ డైలాగ్‌లన్నీ ఇప్పుడు మీమ్స్ రూపంలో ట్రెండ్ అవుతున్నాయి. కానీ ఉప్పెన జ్వరం కావాలా డైలాగ్ మీమ్స్ మాత్రం హైలైట్ అనే చెప్పాలి. తాజా సమాచారం ప్రకారం.. సినిమాలో హీరో హీరోయిన్ల ప్రేమను వ్యతిరేకించే పాత్రలో విజయ్ సేతుపతిని ఊహించలేం అంటున్నారు నేటిజన్లు. అంతేగాక ఈ సినిమాలో విలన్ క్యారెక్టర్ హైలైట్ కాబోతుందని టాక్ నడుస్తుంది. మొత్తంగా ఎవరిని వదలకుండా మీమ్స్ ఉప్పెన నెట్టింట హల్చల్ చేస్తోంది. మైత్రి మూవీ మేకర్స్, సుకుమార్ రైటింగ్స్ సంయుక్తంగా ఈ చిత్రాన్ని నిర్మిస్తున్నాయి. ఫిబ్రవరి 12న థియేటర్లలో ఉప్పెన విడుదల కానుంది. చూడాలి మరి ఉప్పెన అంచనాలను చేరుతుందేమో!