మత్తుకళ్ల సుందరితో బన్నీ స్టెప్పులు.. రచ్చ రచ్చే!

సుకుమార్‌-అల్లు అర్జున్ కాంబినేష‌న్లో ప్ర‌తిష్టాత్మ‌కంగా తెర‌కెక్కుతున్న మూవీ 'పుష్ప‌'. శేషాచలం అడవుల్లో కొనసాగుతున్న గంధ‌పు చెక్క‌ల స్మ‌గ్లింగ్‌ చుట్టూ ఈ మూవీ తిర‌గ‌నుంది. ఈ చిత్రం షూటింగ్ ప్ర‌స్తుతం తూర్పుగోదావ‌రి జిల్లా మారేడుమిల్లి అడ‌వుల్లో శ‌ర‌వేగంగా కొన‌సాగుతోంది.

అయితే.. సుకుమార్ మూవీ అంటే త‌ప్ప‌కుండా ఏక్ నంబ‌ర్ ఐటం సాంగ్ ఉండి తీరాల్సిందే. ఆర్య నుంచి మొద‌లైన ఈ ప‌రంప‌ర దిగ్విజ‌యంగా కొన‌సాగుతోంది. రాకింగ్ స్టార్ దేవీశ్రీ ప్ర‌సాద్‌ మ్యూజిక్ తో స‌త్తా చాటితే.. తెర‌పై హీరోలు దుమ్ము లేపుతుంటారు. ఇక‌, బ‌న్నీ లాంటి డ్యాన్స‌ర్ అయితే.. ర‌చ్చ ర‌చ్చే!

సుక్కూ-బ‌న్నీ కాంబోలో వ‌స్తున్న హ్యాట్రిక్ మూవీలో 'అంత‌కు మించి' అన్న రేంజ్ లో ఐటం సాంగ్ ఉండేలా ప్లాన్ చేస్తున్నాడట దర్శకుడు. ఆర్య, ఆర్య-2లో వచ్చిన ఐటం సాంగ్స్ ఆడియ‌న్స్ ను ఏ రేంజ్ లో ఊపేశాయో అందరికీ తెలిసిందే. ఇప్పుడు పుష్ప‌లో వాటిని త‌ల‌ద‌న్నే రీతిలో ఐటం నంబ‌ర్ ఉండాల‌ని చూస్తున్నారు.

అందుతున్న అప్డేట్ ప్ర‌కారం.. ఈ ఐటం సాంగ్ కు బాలీవుడ్ బ్యూటీని రంగంలోకి దించుతున్నార‌ట‌. ఈ మేర‌కు మ‌త్తుక‌ళ్ల సుంద‌రి ఊర్వశి రౌతేలను తీసుకోవాల‌ని చూస్తున్నాడ‌ట సుకుమార్‌. మంచి పెర్ఫార్మెన్స్ తోపాటు అద్దిరిపోయే స్టెప్పులు వేసే ఊర్వశి అయితే బ‌న్నీతో జోడీ స‌రిగ్గా ఉంటుంద‌ని భావిస్తున్నాడ‌ట‌. దీంతో.. ఆమెను సంప్ర‌దించడానికి ప్ర‌య‌త్నిస్తోందట యూనిట్‌. మ‌రి, ఏం జ‌రుగుతుంద‌న్న‌ది చూడాలి.

పాన్ ఇండియన్ మూవీగా రూపొందుతున్న ఈ చిత్రాన్ని.. వ‌చ్చే ఏడాది సంక్రాంతికి రిలీజ్ చేసేందుకు ద‌ర్శ‌కుడు ప్లాన్ చేస్తున్నాడు. మైత్రి మూవీ మేకర్స్ దాదాపు 180 కోట్ల భారీ బ‌డ్జెట్ తో ఈ చిత్రాన్ని నిర్మిస్తోంది.