ట్రైల‌ర్ టాక్: ఊర్వ‌శిలాంటి రాక్ష‌సితో వేగ‌డం క‌ష్ట‌మే!

అల్లు శిరీష్.. అను ఇమ్మానుయేల్ జంటగా నటిస్తున్న రొమాంటిక్ ఎంటర్ టైనర్ `ఊర్వశివో రాక్షసివో`. జీఏ 2 పిక్చర్స్ అల్లు అరవింద్ సమర్పణలో శ్రీ తిరుమల ప్రొడక్షన్స్ బ్యానర్ పై ధీరజ్ మొగిలినేని ఈ మూవీని నిర్మిస్తున్నారు. కల్యాణ్ దేవ్ తో `విజేత` మూవీని రూపొందించిన రాకేష్ శశి ఈ మూవీకి దర్శక‌త్వం వ‌హిస్తున్నారు.

ABCD మూవీ తరువాత శిరీష్ నుంచి మరో సినిమా రాలేదు. యంగ్ హీరో సినిమాలు చేసి దాదాపు రెండేళ్లు అవుతోంది. కోవిడ్ స‌హా స‌రైన క‌థ కుద‌ర‌క‌పోవ‌డంతో శిరీష్ కి బ్రేక్ త‌ప్ప‌లేదు. ఈ నేపథ్యంలో కొత్త సినిమా `ఊర్వశివో రాక్షసివో`తో ప్రేక్షకుల ముందుకు రావ‌డానికి రెడీ అవుతున్నాడు. దీంతో ఓ సెక్ష‌న్ ఆడియ‌న్స్ లో శిరీష్ సినిమా కోసం ఎగ్జైట్ మెంట్ క‌నిపిస్తోంది.

ఇప్పటికే రిలీజ్ అయిన ప్ర‌చార చిత్రాలు సినిమాకు మంచి బ‌జ్ తీసుకొచ్చాయి. టీజర్ కి..సాంగ్ కి ప్రేక్ష‌కుల నుంచి మంచి రెస్పాన్స్ వ‌చ్చింది. రొమాంటిక్ కామెడీ టీజ‌ర్ ఆద్యంతం ఆక‌ట్టుకుంది. తాజాగా కొద్దిసేప‌టి క్రిత‌మే ట్రైల‌ర్ రిలీజ్ చేసారు. టీజ‌ర్ ని మించి ట్రైల‌ర్ డ‌బుల డోస్ తో ముందుకొచ్చేసింది. ప‌క్కా యూత్ ఫుల్ రొమాంటిక్ ఎంట‌ర్ టైగ‌న‌ర్ గా హైలైట్ అవుతోంది.

శిరీష్.. అను ఇమ్మాన్యూల్ మధ్య కెమిస్ట్రీ సూప‌ర్బ్. రొమాంటిక్ స‌న్నివేశాల‌కు థియేట‌ర్లో అరుపులు ఖాయ‌మే. యువ‌త‌ని ఆక‌ర్షించే డైలాగులు.. స‌న్నివేశాలు సినిమాలో కావాల్సిన‌న్ని జోప్పించిన‌ట్లు తెలుస్తోంది. `ఇన్ని ఇ.ఎమ్.ఐ లు ఉన్నోడు ఏ అమ్మాయి గురించి ఆలోచించకూడదురా`... `అయినా లైసెన్స్ లేకుండా బండి నడపడం తప్పు రాజా`.. ఈ రోజుల్లో లైసెన్స్ లు ఆర్.సి లు ఎవరు అడుగుతున్నారు సర్? హెల్మెట్ ఉంటె చాలు` లాంటి డైలాగ్స్ యూత్ కి బాగా కనెక్ట్ అవుతాయి.

ట్రైలర్ మొదలు నుండి ముగింపు వ‌ర‌కూ రొమాంటిక్ ఫీల్ తీసుకొస్తుంది. నేప‌థ్య సంగీతంలో ఫ‌న్ హైలైట్ అవుతోంది. మొత్తంగా ట్రైల‌ర్కి మంచి రెస్పాన్స్ త‌ధ్య‌మ‌నొచ్చు. మ‌రి సినిమా ఎలా ఉంటుంద‌న్న‌ది న‌వంబ‌ర్ 4న తేలిపోతుంది. అంత వ‌ర‌కూ వెయిటింగ్ త‌ప్ప‌దు.