ఖుషి రీ రిలీజ్.. యూఎస్ లో షాక్..!

ప్రస్తుతం స్టార్ హీరోల సినిమాల రీ రిలీజ్ హంగామా నడుస్తుంది. పవర్ స్టార్ పవన్ కళ్యాణ్ జల్సా సినిమా రీ రిలీజ్ అవగా ఫ్యాన్స్ అంతా కూడా ఓ రేంజ్ లో సందడి చేశారు. ఇక న్యూ ఇయర్ సందర్భంగా పవన్ కళ్యాణ్ ఖుషి సినిమాని రీ రిలీజ్ చేస్తున్నారు ఆ సినిమా నిర్మాత ఏ.ఎం.రత్నం. తెలుగు రెండు రాష్ట్రాల్లో ఖుషి సందడి చూడబోతున్నాం. పవర్ స్టార్ కెరీర్ లో కల్ట్ హిట్ గా నిలిచిన ఖుషి సినిమాని రీ రిలీజ్ కూడా భారీ రేంజ్ లో రిలీజ్ చేస్తున్నారు.

అయితే ఓవర్సీస్ ఆడియన్స్ ముఖ్యంగా యూఎస్ పవన్ ఫ్యాన్స్ కి మాత్రం ఈ అదృష్టం లేదని చెప్పొచ్చు. అక్కడ ఇదివరకు రీ రిలీజ్ చేసిన సినిమాల విషయంలో ఫ్యాన్స్ చేసిన అతి యూఎస్ లో థియేటర్ యాజమాన్యానికి చిరాకు తెప్పించింది. అంతేకాదు అక్కడ ఎగ్జిబిటర్లు కూడా ఇక మీదట రీ రిలీజ్ లు ఎంకరేజ్ చేయాలని అనుకోవట్లేదు. రీ రిలీజ్ కారణంగా వేరే సినిమాల షోస్ కు ఇబ్బంది కలుగుతుండటం కూడా యూఎస్ లో రీ రిలీజ్ ని ఆపేసినట్టు తెలుస్తుంది.

సో యూఎస్ లో ఖుషి సినిమా రీ రిలీజ్ ఛాన్స్ లేదని తెలుస్తుంది. తెలుగు రాష్ట్రాల్లో కూడా కొన్నిచోట్ల రీ రిలీజ్ హంగామాలో థియేటర్ లు ధ్వంసం చేసిన విషయం తెలిసిందే. ఖుషి సినిమాకు అలాంటి సంఘటనలు ఏవి జరగకుండా ఫ్యాన్స్ జాగ్రత్త పడుతున్నట్టు తెలుస్తుంది. కాకినాడలో ఒక థియేటర్ లో స్టార్ హీరో సినిమా రీ రిలీజ్ సందర్భంగా థియేటర్ ని ఫ్యాన్స్ ని ధ్వంసం చేశారు. అలాంటి సంఘటనలు రిపీట్ అవకుండా ఫ్యాన్స్ అంతా కేవలం సినిమాని మాత్రమే ఎంజాయ్ చేయాలని థియేటర్ ప్రాపర్టీని ఏమి చేయవద్దని అభిమాన సంఘాలు పిలుపునిచ్చాయి.

అలా రీ రిలీజ్ టైం లో థియేటర్ లు ధ్వంసం చేయడం వల్ల ఆ స్టార్ హీరో ఇమేజ్ కే డ్యామేజ్ అయ్యే ఛాన్స్ ఉంది. ఇప్పటివరకు మహేష్ పోకిరి, బాలకృష్ణ చెన్నకేశవరెడ్డి, పవన్ జల్సా, ప్రభాస్ బిల్లా, వర్షం సినిమాలు రీ రిలీజ్ అయ్యాయి. మరి ఖుషి రీ రిలీజ్ హంగామా ఏ రేంజ్ లో ఉండబోతుందో చూడాలి. యూఎస్ లో ఖుషి రిలీజ్ కాకపోవడం అక్కడ పవర్ స్టార్ ఫ్యాన్స్ కి పెద్ద షాక్ అని చెప్పొచ్చు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.