ల‌వ్ స్టోరీస్ స్పెష‌లిస్ట్ తో ఉస్తాద్ రామ్!

ప్రేమ‌క‌థా చిత్రాల‌ని అందంగా సెల్యూలాయిడ్ పై ఆవిష్క‌రించ‌డంతో త‌మిళ ద‌ర్శ‌కుడు గౌత‌మ్ మీన‌న్ శైలి ప్ర‌త్యేకం. 'చెలి' నుంచి 'సాహ‌సం శ్వాస‌గా సాగిపో' వ‌ర‌కు గౌత‌మ్ మీన‌న్ చేసిన ప్రేమ‌క‌థా చిత్రాలు అత‌నికి ల‌వ్ స్టోరీస్ స్పెష‌లిస్ట్ గా మంచి పేరు తెచ్చిపెట్టాయి. ఇలాంటి ద‌ర్శ‌కుడిగాతో ఉస్తాద్ రామ్ సినిమా చేయ‌బోతున్నాడు. మాస్ ఎంట‌ర్ టైన‌ర్ ల‌తో హీరోగా మంచి గుర్తింపుని సొంతం చేసుకున్న రామ్ ..క్లాస్ డైరెక్ట‌ర్ గా పేరున్న గౌత‌మ్ మీన‌న్ క‌లిసి వ‌ర్క్ చేయ‌బోతుండ‌టం ఆస‌క్తిక‌రంగా మారింది.

గౌతమ్ మీన‌న్ డైరెక్ట్ చేసిన లేటెస్ట్ మూవీ 'వెందు త‌నిధాతు కాడు'. శింబు హీరోగా న‌టించిన ఈ మూవీని తెలుగులో 'ది లైఫ్ ఆఫ్ ముత్తు' పేరుతో రిలీజ్ చేస్తున్నారు. త‌మిళంలో సెప్టెంబ‌ర్ 15న విడుద‌ల కాగా తెలుగులో మాత్రం స్ర‌వ‌తీ మూవీస్ బ్యాన‌ర్ పై ర‌వికిషోర్‌ 17న శ‌నివారం విడుద‌ల‌చేస్తున్నారు. ఈ సంద‌ర్భంగా తెలుగు మీడియాతో ప్ర‌త్యేకంగా ముచ్చ‌టించిన ద‌ర్శ‌కుడు గౌత‌మ్ మీన‌న్ ప‌లు ఆస‌క్తిక‌ర విష‌యాల్ని వెల్ల‌డించారు.

ఇదే సంద‌ర్భంగా హీరో రామ్ తో సినిమా చేయ‌బోతున్నానంటూ ప్ర‌క‌టించి ఆశ్చ‌ర్య‌ప‌రిచారు. కొన్నేళ్ల క్రితం రామ్ హీరో తెలుగు, త‌మిళ భాష‌ల్లో ఓ మూవీకి గౌత‌మ్ మీన‌న్ శ్రీ‌కారం చుట్టారు. కొన్ని రోజులు షూటింగ్ కూడా చేశారు.

కానీ ఆ త‌రువాత ఏం జ‌రిగిందో ఏమో తెలియ‌దు కానీ ఆ ప్రాజెక్ట్ అర్థాంత‌రంగా ఆగిపోయింది. అదే ప్రాజెక్ట్ ని తిరిగి నాని తో తిరిగి ప్రారంభించి పూర్తి చేశారు. అయితే అప్ప‌టి నుంచి రామ్ తో ట‌చ్ లోనే వున్నాన‌ని వెల్ల‌డించిన గౌత‌మ్ మీన‌న్ త‌న‌దో వ‌చ్చే ఏడాది ఈ ప్రాజెక్ట్ సెట్స్ పైకి వెళుతుంద‌న్నారు.

ఈ ప్రాజెక్ట్ ని స్ర‌వంతీ మూవీస్ బ్యాన‌ర్ పై స్ర‌వంతి ర‌వికిషోర్ నిర్మిస్తార‌ట‌. రీసెంట్ గా రామ్ త‌మిళ ద‌ర్శ‌కుడు ఎన్‌. లింగుస్వామి ద‌ర్శ‌క‌త్వంలో 'ది వారియ‌ర్‌' మూవీ చేసిన విష‌యం తెలిసిందే. తెలుగుతో పాటు ఈ మూవీ త‌మిళంలోనూ విడుద‌లైంది. త‌మిళ వెర్ష‌న్ కు రామ్ డ‌బ్బింగ్ చెప్పుకున్నారు. అయితే ఆ మూవీ రామ్ కు ఆశించిన విజ‌యాన్ని మాత్రం అందించ‌లేక‌పోయింది. ప్ర‌స్తుతం రామ్ యాక్ష‌న్ చిత్రాల ద‌ర్శ‌కుడు బోయ‌పాట ద‌ర్శ‌కత్వంలో ఓ భారీ పాన్ ఇండియా మూవీని చేస్తున్న విష‌యం తెలిసిందే.

ఈ మూవీ రెగ్యుల‌ర్ షూటింగ్ వ‌చ్చే నెలాఖ‌రు నుంచి ప్రారంభం కానున్న‌ట్టుగా వార్త‌లు వినిపిస్తున్నాయి. ఈ మూవీలో రామ్ స‌రికొత్త మేకోవ‌ర్ తో ప‌వ‌ర్ ఫుల్ పాత్ర‌లో క‌నిపించ‌బోతున్న విష‌యం తెలిపిందే. ఇటీవ‌ల విడుద‌ల చేసిన రామ్ ఫొటోలు నెట్టింట వైర‌ల్ అయ్యాయి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.