ఆ వీడియో చూసి క‌న్నీళ్లు పెట్టుకున్న ప్ర‌భాస్‌!

నంద‌మూరి బాల‌కృష్ణ ఆహా ఓటీటీ కోసం తొలి సాని హోస్ట్ గా మారి 'అన్ స్టాప‌బుల్ విత్ ఎన్ బికె' షోను నిర్వ‌హిస్తున్న విష‌యం తెలిసిందే. టాలీవుడ్ సెల‌బ్రిటీల‌ని త‌న షోకు ఆహ్వానిస్తూ బాల‌య్య చేస్తున్న అల్ల‌రి, హంగామా అంతా ఇంతా కాదు. గ‌త సీజ‌న్ బ్లాక్ బ‌స్ట‌ర్ హిట్ గా నిల‌వ‌డంతో సీజ‌న్ 2 పై కూడా భారీ అంచ‌నాలు నెల‌కొన‌డం.. అందుకు త‌గ్గ రీతిలో సెల‌బ్రిటీల‌తో బాల‌య్య ఓ రేంజ్ లో ఆడుకుంటున్న తీరు ఓటీటీ ప్రేక్ష‌కుల‌తో పాటు సాధార‌ణ ప్రేక్ష‌కుల్ని కూడా విశేషంగా ఆక‌ట్టుకుంటోంది.

ఈ నేప‌థ్యంలో సీజ‌న్ 2 కూడా బ్లాక్ బ‌స్ట‌ర్ హిట్ కావ‌డంతో టాలీవుడ్ లో బాల‌య్య షో టాక్ ఆఫ్ ది ఇండ‌స్ట్రీగా మారింది. తాజా సీజ‌న్ లో పాన్ ఇండియా స్టార్ ప్ర‌భాస్‌, హీరో గోపీచంద్ క‌లిసి పాల్గొన్నారు. దీనికి సంబందించిన ఫ‌స్ట్ ఎపిసోడ్ ఆహాలో స్ట్రీమింగ్ కాగా...సెకండ్ ఎపిసోడ్ కూడా స్ట్రీమింగ్ మొద‌లైంది. ఈ నేప‌థ్యంలో ప్ర‌భాస్‌, గోపీచంద్ ఈ సంద‌ర్భంగా ప‌లు ఆస‌క్తిక‌ర విష‌యాల్ని వెల్ల‌డించారు. ఈ సంద‌ర్భంగా బాల‌య్య అడిగిన ప‌లు ప్ర‌శ్న‌ల‌కు ఫ‌న్నీగా స‌మాధానాలు చెప్పి న‌వ్వులు పూయించాడు ప్ర‌భాస్. అయితే ఈ సంద‌ర్భంగా త‌ను ఎమోష‌న్ కు గురై క‌న్నీళ్లు పెట్టుకున్నాడు.

ఈ సంద‌ర్భంగా ప్ర‌భాస్ గురించి కృష్ణంరాజు మాట్లాడిన వీడియోని బాల‌య్య ప్లే చేయించాడు. ఆ వీడియోలో ప్ర‌భాస్ ఎదుగుద‌ల గురించి కృష్ణంరాజు ఎంత‌గా గ‌ర్వ‌ప‌డేవారో వెల్ల‌డించారు. ఆ మాట‌లు విన్న ప్ర‌భాస్ ఒక్క‌సారిగా భావోద్వేగానికి గురై క‌న్నీళ్లు పెట్టుకున్నాడు. కన్నీళ్లు తుడుచుకుంటే పెద‌నాన్నని ప్ర‌భాస్ గుర్తు చేసుకున్న తీరు అభిమానుల‌తో పాటు ప‌లువుర‌ని భావోద్వేగానికి గురిచేస్తోంది. అంత వ‌ర‌కు గోపీచంద్ తో క‌లిసి బాల‌కృష్ణ అడిగిన ప‌లు ప్ర‌శ్న‌ల‌కు త‌న‌దైన స్టైల్లో స‌మాధానం చెబుతూ న‌వ్వులు పూయించారు.

అయితే కృష్ణంరాజు వీడియో ప్లే చెయ్య‌గానే ఒక్క‌సారిగా ప్ర‌భాస్ భావోద్వేగానికి లోనై క‌న్నీళ్లు పెట్టుకోవ‌డంతో బాల‌య్య‌తో పాటు అక్క‌డున్న వారంతా భావోద్వేగానికి గుర‌య్యారు. ప్ర‌స్తుతం ఈ వీడియో నెట్టింట వైర‌ల్ గా మారింది.

ఇదిలా వుంటే పాన్ ఇండియా స్టార్ ప్ర‌భాస్ ప్ర‌స్తుతం బ్యాక్ టు బ్యాక్ పాన్ ఇండియా మూవీస్ ల‌లో న‌టిస్తున్న విష‌యం తెలిసిందే. ఇప్ప‌టికే బాలీవుడ్ డైరెక్ట‌ర్ ఓంరౌత్ తో చేస్తున్న మైథ‌లాజిక‌ల్ డ్రామా 'ఆది పురుష్' చిత్రీక‌ర‌ణ పూర్తి చేసుకుంది.

గ్రాఫిక్స్ పై విమ‌ర్శ‌లు రావ‌డంతో చిత్ర బృందం ప్ర‌స్తుతం రీ క‌రెక్ష‌న్స్ చేసే ప‌నిలో వుంది. ఇందు కోసం ఏకంగా మ‌రో వంద కోట్లు ఖ‌ర్చు చేస్తున్న విష‌యం తెలిసిందే. ఇక ఈ మూవీతో పాటు స‌లార్‌, ప్రాజెక్ట్ కె, మారుతి 'రాజా డీల‌క్స్ ల‌లో ప్ర‌భాస్ న‌టిస్తున్నాడు. ఇవ‌న్నీ ప్ర‌స్తుతం చిత్రీక‌ర‌ణ ద‌శ‌లో వున్న విష‌యం తెలిసిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.