సైరా రైట్స్ పై వాళ్ళు కన్నేశారు

ఇప్పుడు మెగా ఫ్యాన్స్ చూపు మొత్తం చిరంజీవి 151వ సినిమా సైరా.. నరసింహారెడ్డి పైనే ఉంది. చిరు కెరీర్ లోనే అత్యంత భారీ బడ్జెట్ తో ఈ చిత్రం తెరకెక్కుతోంది. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత గాథగా వస్తున్న ఈ చిత్రం షూటింగ్ జోరుగా సాగుతోంది. ఈ చిత్రంపై ఇండస్ట్రీలో గట్టి అంచనాలే ఉన్నాయి.

దీంతో సైరా రైట్స్ కోసం ఇప్పటి నుంచో పోటీ పడుతున్నారు. తాజాగా ఈ పోటీలోకి టాలీవుడ్ లోని పెద్ద నిర్మాణ సంస్థల్లో ఒకటైన యువీ క్రియేషన్స్ రంగంలోకి దిగుతోందని తెలుస్తోంది. ఇంతవరకు సినిమాల నిర్మాణం పైనే ఫోకస్ పెట్టిన ఈ సంస్థ ఇప్పుడు డిస్ట్రిబ్యూషన్ లో పట్టు పెంచుకోవాలని చూస్తోంది. ఇప్పటికే మెగా హీరో రామ్ చరణ్ మాస్ చిత్రాల దర్శకుడు బోయపాటి శ్రీను డైరెక్షన్ లో చేస్తున్న సినిమా రిలీజ్ రైట్స్ యువీ క్రియేషన్స్ దక్కించుకుందనే టాక్ ఉంది. సైరా విషయంలో మాత్రం రెండు ఈ సంస్థకు పట్టున్న నైజాం.. గుంటూరు.. నెల్లూరులో రైట్స్ కోసం గట్టిగానే పట్టు పట్టిందట.

ప్రస్తుతం యువీ క్రియేషన్స్ సినిమాలు రెండు నిర్మాణంలో ఉన్నాయి. అందులో ఒకటి సుమంత్ అశ్విన్ - మెగా డాటర్ నీహారిక జంటగా నటించిన హ్యాపీ వెడ్డింగ్ సినిమా. ఫ్యామిలీ ఎంటర్ టెయినర్ గా వస్తోందీ చిత్రం. దీంతోపాటు ప్రభాస్ హీరోగా భారీ బడ్జెట్ మూవీ సాహో నిర్మిస్తోంది యువీ క్రియేషన్స్.