వీడియో : బంగార్రాజు తో చిట్టి బుల్ బుల్ చిట్టి

నాగార్జున మరియు నాగ చైతన్యలు హీరోలుగా నటిస్తున్న చిత్రం బంగార్రాజు. ఈ సినిమా పాటలు బ్యాక్ టు బ్యాక్ విడుదల చేస్తున్నారు.. సినిమా నుండి పోస్టర్ లు వరుసగా వచ్చేస్తున్నాయి. ఇప్పటికే సినిమా షూటింగ్‌ ముగించేశారని అంటున్నారు. మొత్తంగా ఈ జోరు చూస్తుంటే సినిమా సంక్రాంతికి పందెం కోడి మాదిరిగా బాక్సాఫీస్ వద్ద దూకడం ఖాయం అన్నట్లుగా ఉంది. బంగార్రాజు లో నాగార్జున మరియు నాగ చైతన్యలు ఇద్దరు కూడా బంగార్రాజు పేరుతోనే కనిపించబోతున్నారు. కనుక ఈ సినిమాలో వారిద్దరు తాత మనవడిగా కనిపించబోతున్నట్లుగా అనిపిస్తుంది. ఈ సినిమాలో ఏడు ఎనిమిది మంది హీరోయిన్స్ కనిపించబోతున్నారు. తాత బంగార్రాజు స్వర్గ లోకంలో రసిక రాజు కాగా.. మనవడు బంగార్రాజు నేల మీద రసిక రాకుమారుడు అన్నట్లుగా ప్రమోషనల్‌ స్టఫ్‌ చూస్తుంటే అనిపిస్తుంది. కనుక లెక్కకు మించి ఈ సినిమాలో హీరోయిన్స్ ను జొప్పిస్తున్నారు.

తాజాగా ఈ సినిమాలో జాతిరత్నాలు చిట్టి బుల్ బుల్‌ చిట్టి ఫరియా అబ్దుల్లా సాంగ్ చేసినట్లుగా అధికారికంగా ప్రకటించారు. బంగార్రాజు లో అన్ని మాస్ బీట్స్ ప్రేక్షకులను అలరించబోతున్నాయి. తాజాగా ఫరియా అబ్దుల్లా మరియు నాగ చైతన్యల కాంబోలో వచ్చిన ఈ పాట కూడా మాస్ మసాలా ఐటెం సాంగ్ లా ఉంది. బంగార్రాజు పాత్ర ను ఈ పాటలో చూపించే విధంగా ఉంది. శేఖర్ మాస్టర్ కొరియోగ్రపీ అందించిన ఈ పాటల ఫరియా అబ్దుల్లా మరియు నాగ చైతన్య వేసిన మాస్ స్టెప్పులు సినిమా కు అదనపు ఆకర్షణగా నిలుస్తాయనే నమ్మకం పాటను చూస్తుంటే కలుగుతోంది. మోహన భోగరాజు.. సాహితి చాగంటి... హర్ష వర్థన్ చావలి లు ఈ పాటను పాడారు. బుల్లెట్ బండెక్కి పాటను పాడిన మోహన ఈ పాటకు తనదైన శైలి వాయిస్ ను ఇచ్చి పాట స్థాయి పెంచేసింది.

నాగ చైతన్య కు జోడీగా ఈ సినిమాలో ఉప్పెన బ్యూటీ కృతి శెట్టి హీరోయిన్ గా నటిస్తున్న విషయం తెల్సిందే. ఆమె పొలిటికల్‌ లీడర్ గా ఈ సినిమా లో కనిపించబోతున్నట్లుగా పోస్టర్ ను చూస్తుంటే అనిపిస్తుంది. నాగ చైతన్య మరియు నాగార్జునల మద్య వచ్చే సన్నివేశాలు చాలా ఆసక్తికరంగా ఆకట్టుకునే విధంగా ఉంటాయని అంటున్నారు. బంగార్రాజు సినిమా సంక్రాంతికి ప్రేక్షకుల ముందుకు వచ్చే అవకాశం ఉందని అంటున్నారు. ఆర్ ఆర్‌ ఆర్‌.. భీమ్లా నాయక్‌.. రాధే శ్యామ్‌ సినిమాలతో పాటు ఈ సినిమా కూడా సంక్రాంతి బరిలో ఉంటుందా అనేది చూడాలి. ఈ నెల చివరి వరకు బంగార్రాజు సంక్రాంతికి విడుదల అయ్యే విషయంలో క్లారిటీ వచ్చే అవకాశం ఉంది.