వెకేష‌న్‌కి వెళ్లక‌పోతే నేను మ‌ళ్లీ సింగిల్ అయిపోతా : నిఖిల్

కొత్త త‌ర‌హా సినిమాల‌కు కేరాఫ్ అడ్ర‌స్ గా నిలుస్తూ వ‌రుస స‌క్సెస్ ల‌ని సొంతం చేసుకుంటున్న హీరో నిఖిల్‌. కెరీర్ మ‌ధ్య‌లో కొంత త‌ట‌ప‌టాయించిన నిఖిల్ ఆ త‌రువాత వ‌చ్చిన 'ఎక్క‌డికి పోతావు చిన్న‌వాడా' మూవీతో మ‌ళ్లీ స‌క్సెస్ ట్రాక్ లోకి వ‌చ్చేశాడు. మ‌ధ్య‌లో 'కిరాక్ పార్టీ'తో మ‌రోసారి త‌డ‌బాటుకు గురైనా 'కార్తికేయ 2' తో పాన్ ఇండియా హిట్ ని ద‌క్కించుకుని వార్త‌ల్లో నిలిచాడు. ప‌డిలేచే కెర‌టంలో ప‌డిన ప్ర‌తీసారి రెట్టించిన ఉత్సాహంతో లేస్తూ బంప‌ర్ హిట్ ల‌ని సొంతం చేసుకుంటున్నాడు.

'కార్తికేయ‌' కు సీక్వెల్ గా తెర‌కెక్కిన 'కార్తికేయ 2'తో జాతీయ స్థాయిలో త‌న స‌త్తాని చాటుకున్నాడు. ఊహించ‌ని విధంగా పాన్ ఇండియా స్టార్ ల జాబితాలో చేర‌డ‌మే కాకుండా ఈ మూవీతో వంద కోట్ల క్ల‌బ్ లో చేరిపోయాడు. ఉత్త‌రాదిలో ఈ మూవీ హిందీ వెర్ష‌న్ రూ. 30 కోట్లు క‌లెక్ట్ చేయ‌గా ఐదు భాష‌ల్లో ప్ర‌పంచ వ్యాప్తంగా ఈ మూవీ రూ. 120 కోట్లు కొల్ల‌గొట్టి ట్రేడ్ వ‌ర్గాల‌ని విస్మ‌యానికి గురిచేసింది. ఇదిలా వుంటే ఈ మూవీ త‌రువాత నిఖిల్ న‌టించిన లేటెస్ట్ మూవీ '18 పేజెస్‌'.

అనుప‌మ ప‌ర‌మేశ్వ‌ర‌న్ హీరోయిన్ గా న‌టించిన ఈ మూవీని స్టార్ డైరెక్ట‌ర్ సుకుమార్ శిష్యుడు ప‌ల్నాటి సూర్య ప్ర‌తాప్ రూపొందించాడు. జీఏ2 పిక్చ‌ర్స్‌, సుకుమార్ రైటింగ్స్ సంయుక్తంగా నిర్మించిన ఈ మూవీ ఈ శుక్ర‌వారం డిసెంబ‌ర్ 23న విడుద‌లైంది.

ఫ‌స్ట్ షో నుంచే మంచి టాక్ ని సొంతం చేసుకుంది. ఈ మూవీ రిలీజ్ సంద‌ర్భంగా హీరో నికిల్ ప‌లు మీడియాల‌తో ప్ర‌త్యేకంగా ముచ్చ‌టించాడు. ఈ సంద‌ర్భంగా నిఖిల్ త‌న వ్య‌క్తిగ‌త జీవితం, వైవాహిక జీవితంపై చేసిన స‌ర‌దా వ్యాఖ్య‌లు ఇప్పుడు నెట్టింట వైర‌ల్ అవుతున్నాయి.

త‌న ఫ్యామిలీ లైఫ్ గురించి మాట్లాడుతూ .. ఫ్యామిలీ లైఫ్ చాలా హ్యాపీగా సాగుతోంది. ప్ర‌తీ రోజు షూటింగ్ పూర్తి కాగానే ఆ రోజు జ‌రిగిన‌దంతా మా ఆవిడ‌కు చెప్పేస్తాను. త‌న‌తో చ‌ర్చిస్తాను. చాలా సార్లు భీమ‌వ‌రం ద‌గ్గ‌ర‌లో వున్నవాళ్ల సొంతూరు న‌ర్సాపూర్ వెళ్లొద్దామ‌ని అడుగుతూ వుండేది. కానీ నేను వ‌రుస షూటింగ్ ల‌తో బిజీగా వుండ‌టం వ‌ల్ల నాకు కుదిరేది కాదు. త‌న‌ని కూడా వెళ్ల‌నిచ్చేవాడిని కాదు. ఈ మ‌ధ్యే త‌ను వాళ్ల సొంతూరికి వెళ్లింది. త‌న‌కు ఫోన్ చేసి ట్రైల‌ర్ బాగుందా? అని అడిగాను. ప్ర‌తీ విష‌యంలోనూ త‌న వ్యూ చెబుతూ వుంటుంది.

రివ్యూ ఇస్తుంది' అని తెలిపాడు. ఇక త‌ను బిజీగా వుండ‌టం వ‌ల్ల మూడు సార్లు హాలీడే ప్లాన్ చేసి మూడు సార్లు క్యాన్సిల్ చేశాం. '18 పేజెస్‌' ప్ర‌మోష‌న్స్‌, న్యూ ఇయ‌ర్ సెల‌బ్రేష‌న్స్ త‌రువాత వెకేష‌న్ కి వెళ్ల‌క‌పోతే నేను మ‌ళ్లీ సింగిల్ అయిపోతాను'అంటూ స‌ర‌దాగా చెప్పుకొచ్చారు హీరో నిఖిల్. '18 పేజెస్‌' రిలీజ్ త‌రువాత నికిల్ 'స్పై ' మూవీలో న‌టిస్తున్నాడు. ఈ మూవీని పాన్ ఇండియా సినిమాగా ఐదు బాష‌ల్లో భారీ గా రిలీజ్ చేయాల‌ని ప్లాన్ చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.