మ‌ర్డ‌ర్ మిస్ట‌రీ థ్రిల్ల‌ర్ తో వ‌స్తున్న ప‌వ‌న్ డైరెక్ట‌ర్‌!

తెలుగు, త‌మిళ భాష‌ల్లో క్రేజీ డైరెక్ట‌ర్ గా, హీరోగా, విల‌న్ గా మంచి పేరు తెచ్చుకున్న ఎస్‌.జె. సూర్య ప్ర‌ఖ్యాత ఓటీటీ ప్లాట్ ఫామ్ కోసం తొలి సారి `వధంధీ : ది ఫేబుల్ ఆఫ్ వెలోని` అనే వెబ్ సిరీస్ లో న‌టించాడు. `విక్ర‌మ్ వేద‌` మూవీతో సంచ‌ల‌నం సృష్టించిన పుష్క‌ర్ - గాయ‌త్రీ వాల్ వాచ‌ర్ ఫిలింస్ బ్యాన‌ర్ పై నిర్మించారు. ఆండ్రూ లూయీస్ రూపొందించిన ఈ మ‌ర్డ‌ర్ మిస్ట‌రీ థ్రిల్ల‌ర్ త‌మిళంతో పాటు తెలుగు, మ‌ల‌యాళ‌, క‌న్న‌డ‌, హిందీ భాష‌ల్లోనూ రిలీజ్ కానుంది.

ఈ సిరీస్ ని అమెజాన్ ప్రైమ్ లో డిసెంబ‌ర్ 2 నుంచి స్ట్రీమింగ్ చేయ‌బోతున్నారు. కార్తి `స‌ర్దార్‌` మూవీతో మ‌ళ్లీ న‌టించ‌డం మొద‌లు పెట్టిన లైలా ఈ సిరీస్ లో కీల‌క పాత్ర‌లో న‌టించింది. సంజ‌న‌, నాజ‌ర్, వివేక్ ప్ర‌స‌న్న‌, హ‌రీష్ పేర‌డీ ఇత‌ర పాత్ర‌ల్లో న‌టించారు. ఇప్ప‌టికే మేక‌ర్స్ విడుదల చేసిన ఈ ఊవీ పోస్ట‌ర్స్ సిరీస్ పై అంచనాల్ని పెంచేశాయి. తాజాగా మంగ‌ళ వారం ఈ సిరీస్ ట్రైల‌ర్ ని విడుద‌ల చేశారు. ఆత్యంతం ఉత్కంఠ‌త రేపుతూ ఆక‌ట్టుకుంటోంది.

`ప్ర‌తి పోలీస్ జీవితంలో ఒక జ‌ఠ‌ల‌మైన కేసు త‌గులుతుంది. అది నిజంగా వారికి అత్యంత కీల‌కంగా మారుతుంది` అంటూ ఎస్‌.జె. సూర్య వాయిస్ తో ట్రైల‌ర్ మొద‌లైంది. ఇందులో అత్యంత తెలివైన పోలీస్ ఆఫీస‌ర్ వివేక్ పాత్ర‌లో ఎస్‌.జె. సూర్య న‌టించాడు. వెలోని అనే అంద‌మైన అమ్మాయి హ‌త్య‌కు గుర‌వుతుంది. ఆ హ‌త్య కేసుని చేధించే ప‌ని వివేక్ కు అప్ప‌గిస్తారు. ఈ కేసుని వివేక్ చేధించ గ‌లిగాడా? హంత‌కుడు ఎవ‌రు?

ఈ క్ర‌మంలో వివేక్ ఎదురైన స‌వాళ్లేంటీ? హ‌త్య కు గురైన వెలోనీ ఎవ‌రు? ఏంటీ ఆమె క‌థ‌?..అన్న‌ది తెలియాలంటే ఈ సిరీస్ ని చూడాల్సిందే. డిసెంబ‌ర్ 2 నుంచి అమెజాన్ ప్రైమ్ వీడియో లో ఈ సిరీస్ ని తెలుగు, త‌మిళ‌, మ‌ల‌యాళ‌, క‌న్న‌డ‌, హిందీ భాష‌ల్లో స్ట్రీమింగ్ చేయ‌బోతున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.