4వ సినిమా కూడా ఖరారు చేసిన వైష్ణవ్ తేజ్..!

మెగాహీరో వైష్ణవ్ తేజ్ ఈ ఏడాది ఉప్పెన సినిమాతో తెలుగు ఇండస్ట్రీలో అడుగుపెట్టిన సంగతి తెలిసిందే. ఫస్ట్ సినిమాతోనే మంచి హిట్ అందుకొని బాక్సాఫీస్ వద్ద మంచి వసూళ్లను రాబట్టుకున్నాడు. ఉప్పెన మూవీ మొత్తానికి యాభై కోట్ల పైనే వసూల్ చేసిందని ట్రేడ్ వర్గాల టాక్. అయితే ఉప్పెన విడుదలకు ముందే తన రెండో సినిమా కంప్లీట్ చేసాడు వైష్ణవ్. గతేడాది లాక్ డౌన్ లోనే ఆ సినిమా షూటింగ్ పూర్తిచేశారు. ప్రస్తుతం తాత్కాలికంగా కొండపోలం అనే పేరుతో ప్రచారంలో ఉన్న ఆ సినిమాకు క్రియేటివ్ డైరెక్టర్ క్రిష్ దర్శకత్వం వహించాడు. ఈ సినిమాలో వైష్ణవ్ జోడిగా హీరోయిన్ రకుల్ ప్రీత్ సింగ్ నటించింది. పల్లెటూరు నేపథ్యంలో సాగే ఈ సినిమా షూటింగ్ ఎక్కువగా వికారాబాద్ అడవుల్లో పూర్తిచేశారు.

ఈ సినిమాను ఫస్ట్ ఫ్రేమ్ ఎంటర్టైన్మెంట్స్ వారు నిర్మించారు. ఇప్పుడు ఈ సినిమా విడుదలకు సిద్ధం అవ్వడానికి రెడీ అవుతోంది. డిస్ట్రిబ్యూటర్ లక్ష్మణ్ ఈ చిత్రం యొక్క థియేట్రికల్ హక్కులను రూ.11 కోట్లకు దక్కించుకున్నట్లు సమాచారం. అలాగే ఈ సినిమాను ఆంధ్రప్రదేశ్, తెలంగాణ అంతటా పంపిణీ చేయనున్నారట. పోస్ట్ ప్రొడక్షన్ దశలో ఉన్న ఈ సినిమా ఫార్మాలిటీస్ కాగానే వెంటనే విడుదల తేదీని ప్రకటిస్తారని తెలుస్తుంది. ఇదిలా ఉండగా.. వైష్ణవ్ త్వరలో తన మూడో ప్రాజెక్ట్ మొదలు పెట్టనున్నాడు. అన్నపూర్ణ ఫిల్మ్ స్కూల్ నుండి ఓ నూతన దర్శకుడు మూడో సినిమా తెరకెక్కించనున్నాడు. అయితే ఈ కొత్త సినిమాను మనం ఎంటర్టైన్మెంట్స్ నిర్మించనుంది. అలాగే వైష్ణవ్ నాలుగో సినిమా కూడా ఫిక్స్ చేసాడట. ఆ సినిమాను బీవీఎస్ఎన్ ప్రసాద్ నిర్మించనున్నాడని సమాచారం. మొత్తానికి ఈ మెగాహీరో బిజీ అయ్యే ప్రయత్నంలో ఉన్నాడు.