మెగాహీరో నాలుగో సినిమా కూడా లైన్ చేశాడా..??

మెగా ఫ్యామిలీ నుండి ఈ ఏడాది ఇండస్ట్రీలో డెబ్యూ చేసిన హీరో పంజా వైష్ణవ్ తేజ్.. ఫిబ్రవరి 12న వాలంటైన్స్ డే ముందు ఉప్పెన అనే ఫీల్ గుడ్ లవ్ మూవీతో ప్రేక్షకుల ముందుకు వచ్చాడు. డెబ్యూ సినిమా అయినప్పటికి వైష్ణవ్ నటనతో మెగా అభిమానులను ఆకట్టుకున్నాడు. అందుకే సినిమా బాక్సాఫీస్ వద్ద మంచి హిట్ అందుకుంది. అలాగే కలెక్షన్స్ పరంగా కూడా ఉప్పెన సూపర్ హిట్ అనిపించుకుంది. అయితే ఫస్ట్ సినిమాతోనే మంచి హిట్ పడేసరికి మెగాహీరో వైష్ణవ్ కు నూతన సినిమాల అవకాశాలు అలా వచ్చి వాలుతున్నాయట. ఉప్పెన సినిమాతో డెబ్యూ డైరెక్టర్ బుచ్చిబాబు వైష్ణవ్ ను హీరోగా పరిచయం చేసాడు. ఉప్పెన సాంగ్స్ తో పాటు హీరోయిన్ కృతిశెట్టి ఆకర్షణ సినిమా హిట్టుకి దోహదపడ్డాయని చెప్పవచ్చు.

ఇదిలా ఉండగా.. తాజాగా వైష్ణవ్ కొత్త సినిమాల గురించి సోషల్ మీడియాలో వార్తలు తెగచక్కర్లు కొడుతున్నాయి. నిజానికి వైష్ణవ్ ఫస్ట్ సినిమా ఉప్పెన రిలీజ్ కాకముందే తన రెండో సినిమా కంప్లీట్ చేసేసాడు. టాలెంటెడ్ జాగర్లమూడి క్రిష్ దర్శకత్వంలో వైష్ణవ్ ఓ గ్రామీణ నేపథ్యం కలిగిన సినిమా పూర్తి చేసిన సంగతి తెలిసిందే. ఆ సినిమాను ఈ ఏడాది సెకండ్ హాఫ్ లో విడుదల చేసే అవకాశం ఉంది. అయితే వైష్ణవ్ ఇవేగాక తన మూడు, నాలుగో సినిమాలను లైన్ లో పెట్టినట్లు తెలుస్తుంది. అందులో ఒకటి అన్నపూర్ణ స్టూడియోస్ వారు నిర్మించనుండగా.. త్వరలో సెట్స్ మీదకి వెళ్ళనుందట. నాలుగోది షైన్ స్క్రీన్ వారితో ఓ సినిమా ఒప్పందం కుదిరినట్లు సమాచారం. ఈ సినిమా గురించి పూర్తి వివరాలు తెలియాల్సి ఉంది. మరి ఈ లెక్కన మెగాహీరో ఏడాదికి రెండు సినిమాలు ప్లాన్ చేస్తున్నాడని ఇండస్ట్రీలో టాక్ నడుస్తుంది. చూడాలి మరి త్వరలో క్లారిటీ రానుందేమో!