నెట్టింట హల్చల్ చేస్తున్న 'వకీల్ సాబ్' న్యూ పోస్టర్!

పవర్ స్టార్ పవన్ కళ్యాణ్ నటించిన తాజా చిత్రం 'వకీల్ సాబ్'. భారీ గ్యాప్ తర్వాత పవన్ నుండి సినిమా రావడంతో వకీల్ సాబ్ పై అంచనాలు ఓ రేంజిలో నెలకొని ఉన్నాయి. కానీ పవన్ కళ్యాణ్ ఫ్యాన్స్ పెట్టుకున్న అంచనాలను బ్లాక్ బస్టర్ తో బ్రేక్ చేసింది వకీల్ సాబ్. డైరెక్టర్ వేణు శ్రీరామ్ దర్శకత్వంలో తెరకెక్కిన ఈ సినిమా ఏప్రిల్ 9న విడుదలై అద్భుతమైన విజయం సొంతం చేసుకుంది. అలాగే కలెక్షన్స్ కూడా వకీల్ సాబ్ రికార్డు స్థాయిలో నమోదు చేసింది. ప్రస్తుతం వకీల్ సాబ్ విజయాన్ని పవన్ కళ్యాణ్ ఫ్యాన్స్ ఓ రేంజిలో సెలెబ్రేట్ చేసుకుంటున్నారు. అయితే తాజాగా వకీల్ సాబ్ విజయోత్సాహంలో ఉన్నటువంటి పవర్ స్టార్ ఫ్యాన్స్ ఓ ఫ్యాన్ మేడ్ పోస్టర్ రిలీజ్ చేశారు.

ప్రస్తుతం ఆ పోస్టర్ సోషల్ మీడియాలో విపరీతంగా వైరల్ అవుతోంది. అలాగే పోస్టర్ కూడా ఎంతో ఇంటరెస్టింగ్ గా ఉంది. ముఖ్యంగా పోస్టర్ లో వకీల్ సాబ్ మెయిన్ టీమ్ అందరిని కవర్ చేశారు. పవన్ కళ్యాణ్ ను మధ్యలో పెట్టి.. ఓవైపు అనన్య, నివేదా థామస్, అంజలి, వేణుశ్రీరామ్ లను సెట్ చేశారు. అలాగే మరోవైపు ప్రకాష్ రాజ్, మ్యూజిక్ డైరెక్టర్ తమన్, నిర్మాత దిల్ రాజులను చక్కగా ఎడిట్ చేశారు. విశేషం ఏంటంటే.. ఈ పోస్టర్ ఒక్కొక్కరు ఒక్కో పనిలో బిజీగా ఉన్నట్లు చూపించారు. ప్రస్తుతం వకీల్ సాబ్ అనిమేటెడ్ పోస్టర్ నేటిజన్లను విశేషంగా ఆకట్టుకుంటోంది. కాకపోతే ఇందులో హీరోయిన్ శృతిహాసన్ పిక్ లేకపోవడం గమనార్హం. ఏదైతేనేం వకీల్ ఫ్యాన్స్ ఈ విధంగా సోషల్ మీడియాలో తమ హీరో మూవీపై అభిమానం కురిపిస్తున్నారు.