థియేటర్స్ వద్ద 'వకీల్ సాబ్' మేనియా..!

టాలీవుడ్ పవర్ స్టార్ పవన్ కళ్యాణ్ ఫ్యాన్ ఫాలోయింగ్ గురించి ప్రత్యేకంగా చెప్పక్కర్లేదు. గత మూడేళ్ళుగా పవన్ నుంచి సినిమా లేకపోవడంతో సైలెంటుగా ఉంటూ వచ్చిన అభిమానులు.. ఈరోజు 'వకీల్ సాబ్' విడుదల అవడంతో థియేటర్ల వద్ద పవన్ మేనియా ఏంటో చూపించారు. ‘వకీల్ సాబ్' థియేటర్ల వద్ద సెలబ్రేషన్స్ ఓ రేంజ్ లో చేశారు. అయితే కొన్ని చోట్ల పవన్ ఫ్యాన్స్ థియేటర్ అద్దాలు ధ్వంసం చేస్తూ విధ్వసానికి పాల్పడ్డ సంఘటనలు జరిగాయి. టెక్నికల్ కారణాలతో సినిమా ప్రదర్శనకు కొద్దిసేపు అంతరాయం కలగడంతో అభిమానులు తమకు అందిన వస్తువును తీసుకొని థియేటర్లను ద్వంసం చేశారు.

ఇకపోతే హైకోర్టు ఆర్డర్స్ కారణంగా ఆంధ్రప్రదేశ్ లో కరోనా విజృంభిస్తోన్న వేళ స్పెషల్ షోలు, బెనిఫిట్ షోలకు ప్రభుత్వం అనుమతి నిరాకరించింది. ఒకటి రెండు చోట్ల మినహా చాలా ప్రాంతాల్లో ప్రభుత్వ ఆదేశాల ప్రకారం స్పెషల్ షోలు పడలేదు. దీంతో ఫ్యాన్స్ నిరాశ చెందారు. అప్పటికే టికెట్స్ బుక్ చేసుకున్న ఫ్యాన్స్ షోలు వేయకపోవడంతో గోల చేశారు. థియేటర్ యాజమాన్యాలు స్పెషల్ షో ప్రదర్శన లేకపోవడంతో ప్రేక్షకులకు డబ్బులు తిరిగి ఇచ్చేస్తామని ప్రకటించారు. అయినప్పటికీ ఆగ్రహావేశాలకు లోనైన అభిమానులు పలు చోట్ల థియేటర్ల పై రాళ్ళ దాడికి పాల్పడి ధ్వసం చేసే ప్రయత్నం చేశారు. ప్రస్తుతం దీనికి సంబంధించిన వీడియోలు సోషల్ మీడియాలో హల్‌ చల్ చేస్తున్నాయి.