ట్రెండీ టాక్‌: మిడ్ నైట్ `వ‌కీల్ సాబ్` వీరంగం!

2020కి సెండాఫ్ చెబుతూ 2021కి వెల్ కం చెప్పేందుకు స్టార్ల ఫ్యాన్స్ సిద్ధంగా ఉన్నారు. మ‌రి అలాంటి ఫ్యాన్స్ కి పెగ్గులా కిక్కిచ్చే ఇంకేదైనా కొత్త మ్యాట‌ర్ సిద్ధం చేస్తే బావుంటుందేమో! నేటి (31 డిసెంబ‌ర్) మిడ్ నైట్ ట్రీట్ కి ప్ర‌పంచ‌మంతా రెడీ అవుతున్న వేళ మ‌న టాలీవుడ్ స్టార్ల‌లో ట్రీటిచ్చేందుకు సిద్ధంగా ఉన్న‌ది ఎంద‌రు? అన్న‌ది ఆరా తీస్తే.. అస‌లు ఈ ముగింపే ఏమంత ఆశాజ‌న‌కంగా లేదు.

ప్ర‌తిసారీ కొత్త సంవ‌త్స‌రంలో అడుగుపెడుతుంటూ సినిమాల పోస్ట‌ర్లు... టీజ‌ర్లు.. ప్ర‌క‌ట‌న‌లు అంటూ బోలెడంత హంగామా హైప్ క‌నిపించేది. కానీ ఈసారి అంతా చ‌ప్ప‌గానే ఉంది. అయితే ప‌వ‌న్ .. ప్ర‌భాస్ ఫ్యాన్స్ కి మాత్రం ట్రీట్ ఉంటుంద‌న్న హ‌డావుడి అయితే ఉంది ఇప్ప‌టికి.

ప‌వ‌న్ `వ‌కీల్ సాబ్` నుంచి న్యూ ఇయ‌ర్ పోస్ట‌ర్ రాబోతుందిట‌. కొత్త సంవ‌త్స‌రానికి వెల్ కం చెబుతూ మిడ్ నైట్ పోస్ట‌ర్ రిలీజ్ చేయ‌నున్నారు. దీంతో ప‌వ‌న్ ఫ్యాన్స్ హ్యాపీగానే ఉంటారు..! ఇక మిగ‌తా పెద్ద హీరోల సినిమాలు నుంచి న్యూ ఇయ‌ర్ కి ఫ్యాన్స్ కి పెద్దగా స‌ర్ ప్రైజెస్ ఉండ‌క‌పోవచ్చు.

మ‌హేశ్ బాబు `స‌ర్కారి వారి పాట‌` నుంచి ఏదైనా ఇద్దాం అన్నా షూటింగ్ కి ఇంకా వెళ్ల‌క‌పోవ‌డంతో వారి ద‌గ్గ‌ర కంటెంట్ లేదు. ఇక పుష్ప టీమ్ షూటింగ్ కి వెళ్లినా సైలెంట్ గానే ఉంటోంది. ఇక మిగ‌తా స్టార్ హీరోల ప‌రిస్థితి కూడా దాదాపు ఇంతే. ఒక్క రాధే శ్యామ్ టీమ్ మాత్రం న్యూ ఇయ‌ర్ కి పోస్ట‌ర్ ఇచ్చే అవ‌కాశం ఉంద‌ని అంటున్నారు...! దాని పై ఇంకా క్లారిటీ లేదు. అయితే ఇత‌ర స్టార్ల‌కు సంబంధించిన ప‌బ్లిసిటీ మెటీరియ‌ల్ ఏదైనా కొత్త సంవ‌త్స‌రం సంద‌ర్భంగా రిలీజ్ చేస్తారా? అన్న‌ది కాస్త ఆగితే కానీ తెలీదు.