వకీల్‌ సాబ్‌ సర్‌ ప్రైజ్‌ మరో మెగా హీరోనా?

పవన్‌ కళ్యాణ్‌ చేసిన 'పింక్‌' రీమేక్‌ 'వకీల్‌ సాబ్‌' విడుదలకు సిద్దం అయ్యింది. అజ్ఞాతవాసి సినిమా తర్వాత పవన్‌ చాలా గ్యాప్‌ తీసుకుని ఈ సినిమా చేశాడు. సినిమా పై అంచనాలు ఆకాశాన్ని తాకేలా ఉన్నాయి. ఇంతగా అంచనాలున్న నేపథ్యంలో పింక్‌ రీమేక్ చేయడం ను కొందరు తప్పుబడుతున్నారు. లేడీ ఓరియంటెడ్‌ మూవీ ని పవన్‌ వంటి కమర్షియల్‌ స్టార్ చేయడం తప్పు అంటున్నారు. అయితే పింక్‌ కు చాలా మార్పులు చేర్పులు చేసి కమర్షియల్‌ మూవీగా మార్చేశారని ఇప్పటికే క్లారిటీ వచ్చింది. సినిమా లో ఉన్న మెసేజ్ ను ఏమాత్రం చెడిపోకుండా పవన్‌ ఇమేజ్‌ కు తగ్గట్లుగా సినిమా ను మార్చేశారు అంటూ యూనిట్‌ సభ్యుల ద్వారా తెలుస్తోంది. ముఖ్యంగా సెకండ్‌ హాఫ్‌ లో వచ్చే ఫ్ల్యాష్‌ బ్యాక్‌ ఎపిసోడ్స్‌ సినిమాకు ప్రధాన ఆకర్షణగా నిలుస్తాయని అంటున్నారు. ఆ ఫ్ల్యాష్‌ బ్యాక్‌ ఎపిసోడ్‌ లో సర్‌ ప్రైజ్‌ ఉంటుందని ఇటీవల థమన్‌ చెప్పుకొచ్చాడు.

ఫ్ల్యాష్‌ బ్యాక్‌ ఎపిసోడ్‌ లో శృతి హాసన్‌ కనిపించబోతుంది. ఆ విషయాన్ని ఇప్పటికే రివీల్‌ చేశారు. మరి ఇంకా సర్‌ ప్రైజ్‌ ఏమై ఉంటుందా అంటూ అంతా ఆసక్తిగా ఎదురు చూస్తున్న సమయంలో ఇండస్ట్రీ వర్గాల నుండి ఈ సినిమా లో మరో మెగా హీరో కనిపించే అవకాశం ఉందంటూ ప్రచారం జరిగింది. ఫ్ల్యాష్‌ బ్యాక్‌ ఎపిసోడ్‌ లో ఆ హీరో కొన్ని నిమిషాల పాటు కనిపించడమే సర్‌ ప్రైజ్‌ అంటున్నారు. ఆ మెగా హీరో ఎవరు అనే విషయం సినిమా విడుదల అయ్యే వరకు కూడా సర్‌ ప్రైజ్‌ గానే ఉంచాలని భావిస్తున్నారు. సినిమా లో పవన్‌ మరియు ఆ హీరోను స్క్రీన్‌ పై చూడా ఫ్యాన్స్‌ మరియు ప్రేక్షకులు సర్‌ ప్రైజ్‌ అవ్వడం ఖాయం అంటున్నారు. మొత్తానికి వకీల్‌ సాబ్‌ సినిమా ను పక్కా కమర్షియల్‌ మూవీగా మార్చేసినట్లుగా టాక్‌ రావడంతో అభిమానులు మరింతగా సినిమా పై అంచనాలు పెంచుకున్నారు.