వకీల్‌ సాబ్‌ న్యూ ఇయర్ కానుక

పవన్‌ కళ్యాణ్‌ మూడు సంవత్సరాల తర్వాత రీ ఎంట్రీ ఇస్తున్న వకీల్ సాబ్ సినిమా షూటింగ్‌ ముగింపు దశకు వచ్చింది. వారం రెండు వారాల్లో సినిమాకు గుమ్మడికాయ కొట్టే అవకాశాలు ఉన్నాయంటూ మీడియా వర్గాల వారు అభిప్రాయం వ్యక్తం చేస్తున్నారు. వచ్చే నెలలో అయ్యప్పనుమ్‌ కోషియుమ్‌ సినిమా షూటింగ్‌ లో పవన్‌ బిజీ అవ్వబోతున్నాడు. రికార్డు స్థాయిలో ఈ సినిమాకు సంబంధించిన అంచనాలున్నాయి. ఇదే సమయంలో వకీల్ సాబ్ సినిమా అప్ డేట్‌ కోసం అభిమానులు వెయిట్‌ చేస్తున్నారు. గత దసరా నుండి ఇప్పటి వరకు అభిమానులు వకీల్ సాబ్ టీజర్‌ కోసం వెయిట్‌ చేస్తున్నారు. ఎట్టకేలకు వకీల్‌ సాబ్ టీజర్‌ ను ప్రేక్షకుల ముందుకు తీసుకు వచ్చేందుకు దిల్‌ రాజు ఏర్పాట్లు చేస్తున్నారు.

సినిమాను ఫిబ్రవరి లేదా మార్చిలో ప్రేక్షకుల ముందుకు తీసుకు వచ్చే అవకాశాలు కనిపిస్తున్నాయి. ఖచ్చితంగా ఈ ఏడాది మార్చిలో పరీక్షలు ఉండే అవకాశం లేదు. కనుక సినిమాను అప్పుడే విడుదల చేయడం మంచిదనే అభిప్రాయం కూడా వ్యక్తం అవుతుంది. అందుకే టీజర్‌ ను నూతన సంవత్సరం కానుకగా 1.1.2021న విడుదల చేయాలని నిర్ణయించుకున్నారట. ఆ విషయాన్ని ఒక్కటి రెండు రోజుల్లో క్లారిటీ ఇవ్వబోతున్నారు. అన్ని వర్గాల వారు ఈ సినిమా కోసం వెయిట్ చేస్తున్నారు. బాలీవుడ్‌ హిట్‌ మూవీ పింక్‌ కు వకీల్‌ సాబ్‌ రీమేక్ అనే విషయం తెల్సిందే. శృతి హాసన్ హీరోయిన్ గా నటిస్తున్న ఈ సినిమాలో అంజలి మరియు నివేథా థామస్‌ లు కీలక పాత్రలో కనిపించబోతున్నారు.