ఇటు వ‌లీమై అటు గంగూభాయి క‌తియావాడీ

పోటీలో నిరూపించుకుంటేనే స‌త్తా తెలిసేది. ఇందుకు భీమ్లా నాయ‌క్ అతీతుడేమీ కాదు. ఓవైపు త‌మిళం నుంచి వ‌లీమై లాంటి భారీ యాక్ష‌న్ ఎంట‌ర్ టైన‌ర్ పోటీగా రిలీజ్ కి వ‌స్తుంటే.. అటు బాలీవుడ్ నుంచి భ‌న్సాలీ తెర‌కెక్కించిన గంగూభాయి క‌తియావాడీ పోటీకి దిగుతోంది.

ఎన్న‌డూ లేనిది భీమ్లా నాయ‌క్ ని తెలుగుతో పాటు హిందీలోనూ భారీగా విడుద‌ల చేస్తున్నారు. అక్క‌డ రిలీజ్ చేయాల‌న్న ఆలోచ‌న ఒక ప్ర‌యోగం. రెండు వేర్వేరు చిత్ర పరిశ్రమలకు చెందిన పెద్ద సినిమాలివి.

భీమ్లా నాయక్ ఈ నెల 25న థియేటర్లలోకి రానుంది. తమిళ సూపర్ స్టార్ అజిత్ కుమార్ నటించిన వాలిమై ఈ నెల 24న విడుదలవుతోంది. ఈ సినిమా తెలుగులోనూ విడుదలవుతోంది. అంటే చెన్న‌య్- హైద‌రాబాద్ స‌హా అన్ని ప్ర‌ధాన న‌గ‌రాల్లో వ‌లీమై నుంచి గ‌ట్టి పోటీ ఎదుర‌వుతోంది.

అలాగే భీమ్లా నాయక్ - ఫిబ్రవరి 25న అంటే తాను వ‌చ్చే అదే రోజున అలియా భట్ గంగూబాయి కతియావాడి వస్తోంది. ఏది ఏమైనా భీమ్లా నాయక్ బాక్సాఫీస్ వద్ద అద్భుత ప్రారంభాన్ని పొందుతుందని అంచనా వేస్తున్నారు. ఎందుకంటే ఈ చిత్రం మొదటి రోజు బాక్స్ ఆఫీస్ వద్ద రికార్డ్ బ్రేకింగ్ వసూళ్లను నమోదు చేయ‌నుంద‌ని విశ్లేషకులు చెబుతున్నారు. అడ్వాన్స్ టికెటింగ్ లో అమెరికా ఓవ‌ర్సీస్ లోనూ స‌న్నివేశం బావుంది.