అఖిల్‌ కోసం వంశీ రీమేకేనా??

ఇప్పుడు అందరి కళ్ళూ అఖిల్‌ అక్కినేని చుట్టూతానే తిరుగుతున్నాయి. తొలిసినిమా ఫ్లాపు ఎఫెక్టు నుండి తేరుకున్న అఖిల్‌.. రెండో సినిమా ఎవరితో చేస్తాడనేదే ఇప్పుడు ప్రశ్న. అయితే వంశీ పైడిపల్లితోనే మనోడి సినిమా అని దాదాపు కన్ఫామ్‌ అయిన వేళ.. ఇక్కడ మరో న్యూస్‌ కూడా వినిపిస్తోంది.

గతంలో ఓ సారి మనం విన్న వార్త ఏంటంటే.. బాలీవుడ్‌ లో బ్లాక్‌ బస్టర్‌ అయిన ''ఏ జవానీ హై దివానీ'' రీమేక్‌ ను తెలుగులో అఖిల్‌ చేస్తాడని.. అప్పట్లో టాక్‌ వచ్చింది. అయితే ఆ టాక్‌ నిజమేనట. ఒకవేళ వంశీ పైడిపల్లి కొత్త కథను తయారుచేసి నాగ్‌ ను ఇంప్రెస్‌ చేయకపోతే.. ఆల్రెడీ ''ఇన్‌ టచ్‌ బుల్స్‌'' సినిమాను అద్భుతంగా ''ఊపిరి'' అంటూ రీమేక్‌ చేశాడు కాబట్టి.. ఇప్పుడు ఈ హిందీ సినిమాను కూడా మనోడు తెలుగు నేటివిటీకి అనుగుణంగా మార్చి రీమేక్‌ చేస్తే బాగుంటుందని నాగ్‌ కోరాడట.

పైగా ఏ జవానీ హై దివానీ సినిమా కూడా చాలా బ్యూటిఫుల్‌ లొకేషన్లలో.. చాలా ఎమోషనల్‌ గా సాగుతుంది. ఒక నలుగురు యువత జర్నీ.. ఒక డెస్టినేషన్‌ వెడ్డింగ్‌.. అదో అద్భుతం. మరి వంశీ మరోసారి రీమేక్‌ తోనే అలరిస్తాడా? అఖిల్‌ సెకండ్‌ మూవీ అదేనా? వెయిట్ అండ్ సి.