కొరటాలా.. వంశీ.. వెయిటింగ్

టాలీవుడ్ ప్రిన్స్ మహేష్ బాబు ఈ మధ్య కాలంలో ఎప్పుడూ లేనివిధంగా షూటింగుల్లో స్పీడు పెంచాడు. ఎన్నో ఆశలు పెట్టుకుని.. మరెంతో నమ్మకం పెట్టుకుని మురుగదాస్ అడిగినంత టైమిచ్చి చేసిన స్పైడర్ అభిమానులను.. ప్రేక్షకులను తీవ్రంగా నిరాశపరిచింది. దాంతో అభిమానులను ఆ బాధ నుంచి బయటపడేయడానికి శ్రీమంతుడులాంటి బ్లాక్ బస్టర్ హిట్ ఇచ్చిన కొరటాల శివ డైరెక్షన్ లో చేస్తున్న భరత్ అనే నేను షూటింగ్ చకచకా పూర్తి చేస్తున్నాడు.

భరత్ అనే నేను షూటింగులో ఉండగానే తరవాత చేయబోయే సినిమాకు కూడా మహేష్ ఓకే చెప్పేశాడు. ఊపిరి లాంటి వైవిధ్యమైన చిత్రంతో అందరి ప్రశంసలు అందుకున్న వంశీ పైడిపల్లికి అవకాశం ఇచ్చాడు. ఈ సినిమాకు అంతా సిద్ధంగానే ఉన్నా రెగ్యులర్ షూటింగ్ మాత్రం ఇంకా ప్రారంభం కాలేదు. ప్రస్తుతం మహేష్ తన టైం మొత్తం కొరటాల శివ సినిమాకే కేటాయిస్తున్నాడు. ఈ సినిమా వర్క్ మొత్తం సంక్రాంతి పండగ నాటికి కొలిక్కి వచ్చే అవకాశముంది. దాంతో వంశీ పైడిపల్లి పండగ తరవాత సినిమా స్టార్ట్ చేసేందుకు అవసరమైన సన్నాహాలు చేసుకుంటున్నాడు. ‘‘వంశీ పైడిపల్లి సినిమా చేయడానికి పక్కా స్క్రిప్ట్ తో రెడీ అవుతాడు. మహేష్ సినిమాకు కూడా ఆ వర్క్ పూర్తయింది. ఎక్కడెక్కడ షూట్ చేయాలన్నది కూడా ప్లానింగ్ పూర్తయింది. కొరటాల శివ పని పూర్తవడం కోసం వెయిట్ చేస్తున్నాం’’ అంటూ చిత్ర బృందంలోని సభ్యుడుకొకరు చెప్పుకొచ్చారు.

ఇంతకుముందు దూకుడులో అక్కడక్కడా పొలిటికల్ అప్పియరెన్స్ తో కనిపించిన మహేష్ బాబు తొలిసారి భరత్ అనే నేను సినిమాలో పూర్తిస్థాయి పొలిటీషియన్ పాత్ర చేస్తున్నాడు. ఇందులో యంగ్ సీఎం పాత్రలో అభిమానులను మురిపించనున్నాడు. బాలీవుడ్ భామ కియారా అద్వానీ ఈ సినిమాతో టాలీవుడ్ కు పరిచయం కానుంది.