చ‌వితికి వారాహి రెండు ముహూర్తాలు..

న‌వ‌త‌రం ద‌ర్శ‌కుల వెల్లువ వ‌స్తేనే టాలీవుడ్‌ లో ఫ్లేవ‌ర్ మారేది. స‌రిగ్గా ఈ స‌త్యాన్ని గ్ర‌హించిన వారాహి చ‌ల‌న‌చిత్రం .. టాలీవుడ్‌ లో స‌రికొత్త ఎత్తుగ‌డ‌ల‌తో ముందుకొచ్చింది. ప్ర‌తిభావంతులైన‌ న‌వ‌త‌రం హీరోల‌కు, యంగ్ ట్యాలెంటెడ్ డైరెక్ట‌ర్లకు ఛాన్సులిస్తూ.. వారి క‌ల‌ల్ని నిజం చేస్తూ ఈ అగ్ర నిర్మాణ సంస్థ‌ వ‌రుస‌గా సినిమాలు నిర్మిస్తోంది. అప్ప‌ట్లో క‌మెడియ‌న్ అవ‌స‌రాల శ్రీ‌నివాస్‌ కి ద‌ర్శ‌కుడిగా ఛాన్సిచ్చి బిగ్ డ్రీమ్‌ ని నిజం చేసింది. అవ‌స‌రాల తొలి ప్ర‌య‌త్న‌మే సంస్థ న‌మ్మ‌కాన్ని నిల‌బెడుతూ హిట్ ఇచ్చాడు. ఊహ‌లు గుస‌గుస‌లాడే పేరుతో టాలీవుడ్ కి మ‌రిచిపోలేని విజ‌యాన్నిచ్చాడు.

ప‌రిమిత బ‌డ్జెట్‌ లో అర్థ‌వంత‌మైన ప్రేమ‌క‌థా చిత్రాల్ని వారాహి సంస్థ నిర్మించినందుకు చ‌క్క‌ని పేరొచ్చింది. అందాల రాక్ష‌సి త‌ర్వాత మ‌ళ్లీ ఊహ‌లు గుసగుస‌లాడే చిత్రంతో టాక్ ఆఫ్ ది ఇండ‌స్ర్టీ అయ్యింది. ఈ సంస్థ ఇచ్చిన అవ‌కాశ‌మే యువ‌న‌టుడు నాగశౌర్య‌ని టాలీవుడ్‌ లో పెద్ద స్టార్‌ ని చేసింది. ఈ సినిమాతోనే క‌థానాయిక రాశీ ఖ‌న్నా తొలి విజ‌యం అందుకుని ఇప్పుడు స్టార్ స్టాట‌స్‌ ని ఎంజాయ్ చేస్తోంది. ఇంత ట్రాక్ రికార్డ్ ఉన్న సంస్థ‌లో మ‌రో అవ‌కాశం అందుకోవాలంటే ఆ ద‌ర్శ‌కుడికి అదృష్టం ఉండాలి. ఆ అదృష్టం అవ‌స‌రాల‌ను మ‌రోసారి వరించింది.

అవ‌స‌రాల‌ రెండోసారి జాక్ పాట్ కొట్టాడు. వారాహి సంస్థ‌ లోనే రెండో సినిమాకి క‌మిట‌య్యాడు. ఈ సినిమాని వినాయ‌క చ‌వితి రోజున హైద‌రాబాద్‌ లో లాంఛ‌నంగా ప్రారంభించ‌నున్నారని స‌మాచారం. సేమ్ డే మ‌రో స‌ర్‌ ప్రైజ్‌ ని ఇస్తూ కొత్త కుర్రాడు ప్ర‌దీప్‌ ని హీరో గా ప్ర‌మోట్ చేస్తోంది ఈ సంస్థ‌. వినాయ‌క చ‌వితి కానుక‌గా ప్ర‌దీప్ ద‌ర్శ‌కుడిగా మ‌రొక సినిమాని ప్రారంభించ‌నుంది. అవ‌స‌రాల‌తో ఒక సినిమా, ప్ర‌దీప్‌ తో ఒక సినిమా వినాయ‌క చ‌వితి రోజు (17న ) ముహూర్త కార్య‌క్రామాలు పూర్తి చేయ‌నున్నార‌ని టాక్‌. ఈ రెండు సినిమాల్లో ఒక సినిమా టైటిల్ జో అచ్యుతానంద‌. వేరొక‌టి తెలియాల్సి ఉందింకా.