బాలయ్య సినిమాల్లో జయమ్మ వీరంగం..!

నందమూరి బాలకృష్ణ సినిమాల్లో ఎక్కువగా ఆయనే హైలెట్ అవుతూ వస్తుంటారు. కొన్నిసార్లు ఆయన సినిమాల్లో విలన్లు కూడా క్రేజ్ తెచ్చుకుంటారు. కానీ ఫస్ట్ టైం బాలయ్య సినిమాలో ఒక లేడీ క్యారెక్టర్ హైలెట్ కాబోతుందని తెలుస్తుంది. సంక్రాంతికి రాబోతున్న వీరం సింహా రెడ్డి సినిమాలో బాలకృష్ణ తో ఈక్వల్ పాత్రలో విలన్ భార్యగా వరలక్ష్మి శరత్ కుమార్ నటించింది. సినిమా ట్రైలర్ లో ఆమెకి కూడా ఒక పవర్ ఫుల్ డైలాగ్ ఇచ్చారు.

సాధారణంగా అయితే బాలకృష్ణ సినిమాల్లో ఆయన డైలాగ్స్ మాత్రమే బాగా పాపులర్ అవుతాయి. కానీ వీర సింహా రెడ్డి ట్రైలర్ చూస్తే సినిమాలో వరలక్ష్మి కూడా బాగానే ఆకట్టుకునేలా ఉందని అనిపిస్తుంది. వీర సింహా రెడ్డిలో వరలక్ష్మి వీరంగం ఆడేస్తుందని చెప్పొచ్చు. ఆల్రెడీ గోపీచంద్ మలినేని డైరెక్ట్ చేసిన క్రాక్ సినిమాలో జయమ్మ పాత్రలో అదరగొట్టేసింది వరలక్ష్మి శరత్ కుమార్. ఆ పాత్ర లో ఆమె చూపించిన అభినయం కి తెలుగు ఆడియన్స్ ఫిదా అయ్యారు.

చాలా కాలంగా తెలుగు పరిశ్రమలో లేడీ విలన్ లోటు కనిపిస్తూనే ఉంది. కానీ వరలక్ష్మి శరత్ కుమార్ ఆ లోటు తీర్చేలా కనిపిస్తుంది. వీర సింహా రెడ్డి సినిమాలో విలన్ భార్యగా విలన్ కి ఈక్వల్ రేంజ్ లో డైలాగ్స్ చెప్పేలా కనిపిస్తుంది వరలక్ష్మి శరత్ కుమార్. ఈ సినిమాలో ఆమె పాత్ర నిజంగానే ఆడియన్స్ కు సర్ ప్రైజ్ అందిస్తుందని అంటున్నారు.

బాలయ్య సినిమాలో వరలక్ష్మి పద్మ పాత్రలో కనిపించనుంది. ఆమె కట్టు బొట్టు లేడీ విలన్ గా సూపర్ గా యాప్ట్ అయ్యింది. ఈ సినిమా కూడా హిట్టైతే మాత్రం లేడీ విలన్ గా వరలక్ష్మి శరత్ కుమార్ ఇలానే కొనసాగే ఛాన్స్ ఉంటుందని చెప్పొచ్చు. తెలుగులోనే కాదు తమిళంలో కూడా వరలక్ష్మి శరత్ కుమార్ తన మార్క్ సినిమాలతో అలరిస్తుంది. హీరోయిన్ గా చేయడం చాలా ఈజీ కానీ ఇలాంటి పాత్రల్లో ఆడియన్స్ ను మెప్పించడం అంటే అది వరలక్ష్మి వల్లే అవుతుందని చెప్పొచ్చు.