అంజ‌మ్మ దెబ్బ‌కి కొబ్బ‌రి గుత్తు తునాతున‌క‌లే!

యంగ్ హీరో తేజ సజ్జా క‌థానాయ‌కుడిగా ప్ర‌శాంత్ వ‌ర్మ ద‌ర్శ‌క‌త్వం వ‌హిస్తోన్న చిత్రం `హ‌నుమాన్`. అమృత అయ్య‌ర్ హీరోయి్ గా న‌టిస్తోంది. ప్రస్తుతం సినిమా సెట్స్ లో ఉంది. ఇప్ప‌టికే రిలీజ్ అయిన ప్ర‌చార చిత్రాలు సినిమాకి మంచి బ‌జ్ ని క్రియేట్ చేసాయి. తాజాగా మ‌రో ప‌వ‌ర్ ఫుల్ పోస్ట‌ర్ ని రిలీజ్ అయింది. వ‌ర‌ల‌క్ష్మి శ‌ర‌త్ కుమార్ పుట్టిన రోజు సంద‌ర్భంగా ఒక రోజు ముందుగానే ఆమె ఫ‌స్ట్ లుక్ పోస్ట‌ర్ కిచ్చా సుదీప్ చేతుల మీదుగా రిలీజ్ చేసారు.

ఇందులో వ‌ర‌ల‌క్ష్మి అంజ‌మ్మ అనే ప‌వ‌ర్ ఫుల్ పాత్ర‌లో క‌నిపిపించ‌నుంది. తాజాగా రిలీజ్ అయిన పోస్ట‌ర్ లో ఆ ఫ‌వ‌ర్ ఏ మాత్రం త‌గ్గ‌లేద‌ని తెలుస్తోంది. పెళ్లికూమార్తెలా అందంగా ముస్తాబైన అంజ‌మ్మ ఒక్క‌సారిగా త‌న‌లో ఉగ్ర‌రూపం బ‌య‌ట పెట్టింది. న‌వ వ‌ధువు చేత గొబ్బ‌రి గుత్తి ప‌ట్టి రౌడీల భ‌ర‌తం ప‌డుతున్న‌ట్లు పోస్ట‌ర్లో హైలైట్ చేసారు. ఈపోస్ట‌ర్ తోనే వ‌ర‌ల‌క్ష్మి పాత్ర సినిమాలో ఎలా ఉంటుంద‌న్నది అర్ధ‌మ‌వుతుంది. ఇలాంటి పాత్ర‌ల్లో వ‌ర‌ల‌క్ష్మి ఒదిగిపోతుంద‌ని చెప్పాల్సిన ప‌నిలేదు.

స్టార్ హీరోల సినిమాల్లో విల‌న్ గానే వీరంగం చేసిన వ‌ర‌ల‌క్ష్మి పాత్ర ఇలాంటి సినిమాల్లో ఏ రేంజ్ లో ఎలివేట్ చేస్తారో చెప్పాల్సిన ప‌నిలేదు. `హ‌నుమాన్` లో అంత‌కు మించిన వ‌ర‌ల‌క్ష్మిని చూస్తాం. ఇక ఈ సినిమా ని పాన్ ఇండియా కేట‌గిరీలో రిలీజ్ చేస్తున్నారు. ద‌క్షిణాదిన అన్ని భాష‌ల‌తో పాటు హిందీలోనూ చిత్రాన్ని రిలీజ్ చేస్తున్నారు. సినిమాకి భారీ స్థాయిలోనే నాన్ థియేట్రిక‌ల్ బిజినెస్ జ‌రుగుతోంది.

తేజ స‌జ్జా న‌ట‌న‌లో ఈజ్ ఉంది. భ‌విష్య‌త్ లో మంచి న‌టుడు అవుతాడు అన్న పాజిటివ్ వైబ్ ఉంది. ప్ర‌స్తుతం ఈ సినిమా షూటింగ్ చివ‌రి ద‌శ‌లో ఉంది. మ‌రోవైపు నిర్మాణానంత‌రం ప‌నులు శ‌ర వేగంగా జ‌రుగుతున్నాయి. ఈ చిత్రాన్ని ప్రైమ్ షో ఎంట‌ర్ టైన్ మెంట్స్ నిర్మిస్తోంది. ఈ చిత్రానికి న‌లుగు రు సంగీత ద‌ర్శ‌కులు ప‌నిచేస్తున్నారు.