వర్మ ''బావ రాజ్యం'' అనే సినిమా ప్లాన్ చేస్తున్నాడా...?

సెన్సేషనల్ డైరెక్టర్ రామ్ గోపాల్ వర్మ కరోనా డేస్ లో కూడా వరుసపెట్టి సినిమాలు తీస్తున్న సంగతి తెలిసిందే. తెలుగు సినిమా ఇండస్ట్రీకి నాకు ఏ సంబంధం లేదు.. నేను నా ఆర్జీవీ ఇండస్ట్రీని నడుపుతున్నాను.. నా టెక్నిషయన్స్ యాక్టర్స్ నా థియేటర్స్ నా ఇష్టం అని చెప్తూ సినిమాలు రిలీజ్ చేసేస్తున్నారు. ఈ క్రమంలో ఇటీవల 'పవర్ స్టార్' అనే వివాదాస్పద టైటిల్ తో సినిమా తెరకెక్కించి సంచలనం రేపాడు. పవన్ కళ్యాణ్ ఎన్నికలలో ఓడిపోయిన అనంతరం స్టోరీ అని ఫిక్షనల్ స్టోరీతో ఈ సినిమా రూపొందించారు వర్మ. ఎన్నో వివాదాల నడుమ విడుదలైన 'పవర్ స్టార్' వర్మకి మంచి లాభాలనే తెచ్చిపెట్టాయి. ఈ నేపథ్యంలో మెగా ప్రొడ్యూసర్ అల్లు అరవింద్ మీద ఆర్జీవీ సెటైరికల్ గా ఓ మూవీ తెరకెక్కించే ఆలోచనలో ఉన్నాడని గత కొన్ని రోజులుగా వార్తలు వస్తున్న విషయం తెలిసిందే.

మెగస్టార్ చిరంజీవి స్థాపించిన 'ప్రజారాజ్యం' పార్టీలో క్రియాశీలకంగా వ్యవహరించిన అల్లు అరవింద్.. ఆ పార్టీని జాతీయ పార్టీలో విలీనం చేయడానికి అరవింద్ కారణమనే కోణంలో ఈ సినిమా ఉండబోతోందని న్యూస్ స్ప్రెడ్ అయింది. ఈ నేపథ్యంలో ఇప్పుడు ఈ చిత్రానికి ''బావ రాజ్యం'' అనే టైటిల్ అనుకుంటున్నాడని మరో న్యూస్ ఫిలిం సర్కిల్స్ లో చక్కర్లు కొడుతోంది. వాస్తవ సంఘటనల ఆధారంగా చేసుకొని సెటైరికల్ గా మూవీస్ తెరకెక్కించడంలో వర్మ సిద్ధహస్తుడనే విషయం తెలిసిందే. పవన్ కళ్యాణ్ పై 'పవర్ స్టార్' సినిమా తీసినట్లే అల్లు అర్జున్ పై ''బావ రాజ్యం'' సినిమా తీసినా ఆశ్చర్యపోవాల్సిన అవసరం లేదు. ఎందుకంటే రామ్ గోపాల్ వర్మ చర్యలు సినిమాలు ఊహాతీతం అని ఇండస్ట్రీలో అందరూ చెప్పుకుంటుంటారు. అయితే ప్రస్తుతం 'మర్డర్' 'థ్రిల్లర్' సినిమాలు రిలీజ్ చేసే పనిలో బిజీగా ఉన్నారు వర్మ. ఇప్పటికే 'మర్డర్' ట్రైలర్ విడుదల చేయగా రేపు ''థ్రిల్లర్' ట్రైలర్ కూడా రిలీజ్ చేస్తున్నాని వర్మ ప్రకటించారు. ఈ రెండు సినిమాలు రిలీజ్ అయిన తర్వాత 'బావ రాజ్యం' వార్తలపై క్లారిటీ వచ్చే అవకాశం ఉంది.