అలాగైతే ఆ కుర్ర‌భామ వ‌ర్మ చేతిలో ప‌డాల్సిందే!

సైకో స‌స్పెన్స్ థ్రిల్ల‌ర్ చిత్రాలు తెర‌కెక్కించ‌డంలో సంచ‌ల‌నాల రాంగోపాల్ వ‌ర్మ ఎంత‌టి ఘ‌నాపాటో చెప్పాల్సిన ప‌నిలేదు. సైకో క‌థ‌ల‌పై వ‌ర్మ దృష్టి పెట్టాడంటే? ఎంత‌టి రియాల్టీ పండిస్తాడో గ‌త చిత్రాలే చూస్తే స‌రి. సైకోల‌పై ఆయ‌నంత గొప్ప‌గా మ‌రో మేక‌ర్ స్ట‌డీ చేయ‌లేడు. ఆయ‌న ఎనాల‌సిస్..అబ్జ‌ర్వేష‌న్..స్ట‌డీ అంతా చాలా డీప్ గా ఉంటుంది.

ఇలాంటి సినిమాల‌కు పెట్టింది పేరుగా వ‌ర్మ‌ని అంతా సైకో ఫ్యాషినేటెడ్ ఫ్యాన్స్ అంతా జ‌పిస్తుంటారు. మ‌రి వ‌ర్మ మ‌ళ్లీ అలాంటి ప్ర‌య‌త్న‌మేదైనా చేస్తున్నాడా? అంటే చెప్ప‌డం క‌ష్టం గానీ ఓ యంగ్ హీరోయిన్ సైకో పాత్ర‌ల్లో న‌టించాల‌ని ప‌ర‌వ‌శించిపోతుంది. ఛాన్స వ‌స్తే ఎలాంటి సైకోగా న‌టించ‌డానికైనా సిద్దంగా ఉంటానంటోంది. ఇంత‌కీ ఎవ‌రా భామ అంటే బెంగ‌ళూర్ బ్యూటీ వ‌ర్ష బొల్ల‌మ్మ‌.

అమ్మ‌డు టాలీవుడ్ కి సుప‌రిచిత‌మే. త‌మిళ్..మ‌ల‌యాళంలో కొన్ని సినిమాల్లో న‌టించిన అమ్మ‌డు అటుపై 'చూసి చూడంగానే' సినిమాతో టాలీవుడ్ లో అడుగుపెట్టింది. అటుపై 'జాను'..'మిడిల్ క్లాస్ మెలోడీస్'..' పుష్ప‌క విమానం'..'స్టాండ‌ప్ రాహుల్' లాంటి చిత్రాల్లో న‌టించిన అమ్మ‌డు పాత్ర‌ల ప‌రంగా త‌న ఛాయిస్ ఎలా ఉంటుంద‌న్న విష‌యాన్ని రివీల్ చేసింది.

'అన్ని ర‌కాల పాత్ర‌లు పోషించ‌డానికి సిద్దంగా ఉన్నాను. కాక‌పోతే ప్రేక్షకులు న‌న్ను మొద‌టి నుంచి మ‌ధ్య‌త‌ర‌గ‌తి అమ్మాయి పాత్ర‌ల్లో చూడ‌టానికే ఎక్కువ‌గా ఇష్ట‌ప‌డ‌తార‌నుకుంటా. ఈ అమ్మాయి ప‌క్కింటి అమ్మాయిలా ఉంద‌ని వాళ్లు అనుకోవ‌డం వ‌ల్లే ఆ త‌ర‌హా పాత్ర‌లు ఎక్కువ పేరు తీసుకొస్తున్నాయి. కానీ నా డ్రీమ్ అది కాదు. సైకో పాత్ర‌ల్లో ప్రేక్ష‌కుల్ని మెప్పించాల‌ని ఉంది.

పాత్రల ప‌రంగా ఛాయిస్ అడిగితే సైకో పాత్ర‌ల‌కే ఇస్తా. ఎందుకంటే వాటిలో న‌ట‌న‌కు స్కోప్ ఉంటుంది. ర‌క‌ర‌కాల హావ‌భావాలు ప‌డ్డించ‌డానికి అవ‌కాశం ఉంటుంది. అలాంటి రోల్స్ కొన్ని అయినా ప్ర‌త్యేక‌మైన గుర్తింపును తీసుకొస్తాయి. అలాగే నెగిటివ్ పాత్ర‌ల‌పైనా అంతే ఆస‌క్తి ఉంది. ఇలాంటి పాత్ర‌లైతే నా నుంచి మ‌రింత బెస్ట్ అవుట్ ఫుట్ వ‌స్తుంది.

ఎక్కువ‌గా ప్రేమించే పాత్ర‌లు దొరికితే ది బెస్ట్ ఇవ్వ‌డానికి అవ‌కాశం ఉంటుందని' చెప్పుకొచ్చింది. అలాగైతే అమ్మ‌డు రాంగోపాల్ వ‌ర్మ చేతుల్లో ప‌డాల్సిందే. త‌ను నచ్చే పాత్ర‌ల‌కు వంద‌శాతం న్యాయం చేయ‌గ‌ల ద‌ర్శ‌కుడు అత‌ను మాత్రమే అంటూ నెటి జ‌నులు కామెంట్లు పోస్ట్ చేస్తున్నారు. ప్ర‌స్తుతం ఈ భామ సందీప్ కిష‌న్ తో ఓ సినిమా చేస్తుంది. అలాగే మ‌రికొన్ని సినిమాలు చ‌ర్చ‌ల ద‌శ‌లో ఉన్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.