క్వీన్ ట్రైల‌ర్‌ పై నట‌వార‌సుడేమ‌న్నాడు?

క్వీన్ కంగ‌న ఫైరింగ్ యాటిట్యూడ్ గురించి తెలిసిందే. న‌ట‌వార‌సుల(నెప్టోయిజం) పై టైమ్ దొరికిన‌ప్పుడ‌ల్లా త‌న‌దైన శైలిలో విరుచుకుప‌డుతుంటుంది. ``న‌ట‌వార‌స‌త్వం లేనిదే బాలీవుడ్‌ లో రాణించ‌లేరు .. ఆడియెన్ అలాంటివాళ్ల‌ను అంగీక‌రించ‌రు!`` అన్న కామెంట్‌ పై కంగ‌న ఇదివ‌ర‌కూ ఓ రేంజులో ఫైర్ అయ్యింది. ఇండ‌స్ట్రీ చ‌రిత్ర‌ను ప‌రిశీలించండి. ఏ వార‌స‌త్వం లేకుండా వ‌చ్చి ఎదిగిన వాళ్ల‌ను మ‌ర్చిపోయారా? అంటూ ఫిరంగిలా విరుచుకుప‌డింది. దీంతో ఒక్క‌సారిగా న‌ట‌వార‌స ప్ర‌పంచం ఉలిక్కిప‌డింది.

హృతిక్ రోష‌న్- వ‌రుణ్ ధావ‌న్- క‌ర‌ణ్ జోహార్ అంత‌టి వాళ్లే గ‌జ‌గ‌జ‌లాడారు. వ‌రుస‌గా లేడీ ఓరియెంటెడ్ సినిమాల‌తో స‌త్తా చాటుతున్న కంగ‌న ర‌నౌత్ నెప్టోయిజం పై ఇప్ప‌టికీ అదే తీరుగా ప్ర‌వ‌ర్తిస్తున్న సంగ‌తి తెలిసిందే. ప్ర‌స్తుతం ఈ కాంట్ర‌వ‌ర్శియ‌ల్ క్వీన్ న‌టిస్తున్న `మ‌ణిక‌ర్ణిక‌- ది క్వీన్ ఆఫ్ ఝాన్సీ` చిత్రం రిలీజ్‌ కి రెడీ అవుతున్న సంగ‌తి తెలిసిందే. జ‌న‌వ‌రి 25న మ‌ణిక‌ర్ణిక చిత్రాన్ని రిలీజ్ చేసేందుకు స‌న్నాహాలు చేస్తోంది కంగ‌న‌. నిన్న‌నే మ‌ణిక‌ర్ణిక‌ ట్రైల‌ర్ రిలీజైన సంగ‌తి తెలిసిందే.

ఈ ట్రైల‌ర్ గురించి మీ అభిప్రాయ‌మేంటి? అని న‌ట‌వార‌సుడు వ‌రుణ్ ధావ‌న్‌ ని ఓ అభిమాని సోష‌ల్ మీడియా ఇంట‌రాక్ష‌న్‌ లో అడిగాడు. మ‌ణిక‌ర్ణిక ట్రైల‌ర్‌ ని పొగ‌డ వ‌ద్ద‌ని క‌ర‌ణ్ జోహార్ అన్నారా? అని ప్ర‌శ్నించాడు అభిమాని. దానికి వ‌రుణ్ ధావ‌న్ ఆశ్చ‌ర్య‌క‌ర‌మైన ఆన్స‌ర్ ఇచ్చాడు. ``నో అత‌డు అలా ఏం చెప్ప‌లేదు. ఆ ట్రైల‌ర్ నాకు బాగా న‌చ్చింది`` అని ట్వీట్ చేశాడు. న‌ట‌వార‌సుల్ని చెడామ‌డా తిట్టేసే కంగ‌న ట్రైల‌ర్‌ పై అత‌డు అలా పాజిటివ్ గా స్పందించ‌డం మెచ్చ‌ద‌గిన‌దే. మ‌న‌సులో ఎలాంటి క‌క్ష పెట్టుకోకుండా ధావ‌న్ బోయ్ బాగానే స్పందించాడు. మ‌రి కంగ‌న‌తో చీవాట్లు తిన్న క‌ర‌ణ్ జోహార్ ఏమ‌ని స్పందించాడో చూడాలి.

The tweet read, "Has Karan Johar told you to not praise #Man ..
No he’s not yaa I really loved it #varunsays