`తుమ్ కేశ‌వ‌రీ` మెలోడీ ట్రాక్ లో విజువ‌ల్ ట్రీట్!

బాలీవుడ్ యంగ్ హీరో వ‌రుణ్ ధావ‌న్ కెరీర్ ఫుల్ స్వింగ్ లో దూసుకుపోతుంది. బ్యాక్ టూ బ్యాక్ స‌క్సెస్ ల‌తో కుర్ర హీరోల్లో క్రేజీ స్టార్ గా మారిపోతున్నాడు. ఇటీవ‌ల ఆ వేగం కాస్త త‌గ్గిన‌ట్లు అనిపించినా? వ‌రుణ్ కెరీర్ పై ఆప్ర‌భావం పెద్ద‌గా ప‌డ‌ల‌దు. కొత్త క‌మిట్ మెంట్ల జోరు ఏమాత్రం త‌గ్గ‌లేదు. ప్ర‌స్తుతం వ‌రుణ్ చేతిలో మూడు నాలుగు సినిమాలున్నాయి.

అందులో ఒక‌టి వ‌రుణ్ హీరోగా అమ‌ర్ కౌశిక్ ద‌ర్శ‌క‌త్వంలో `భేదియా` తెర‌కెక్కుతోన్న సంగ‌తి తెలిసిందే. ఇప్ప‌టికే రిలీజ్ అయిన ప్ర‌చార చిత్రాల‌కు సినిమాకు మంచి హైప్ తీసుకొచ్చాయి. ఫ‌స్టు లుక్ పోస్ట‌ర్ తోనే హారర్ కామెడీపై క్యూరియాసిటీ క్రియేట్ చేసి బాలీవుడ్ మీడియాలో హాట్ టాపిక్ గామారింది.

తాజాగా ఈ సినిమా నుంచి `తుమ్ కేశ‌వ‌రీ` ఫుల్ వీడియో సాంగ్ ని కొద్ది సేప‌టి క్రిత‌మే రిలీజ్ చేసారు. `వ‌ల‌చిన చెలియ క‌దా చేర‌వ‌చి తోడువ‌య్యావా ... క‌ల‌సిన మ‌న‌సు క‌దా కోరివ‌చి నీడ‌వ‌య్యావా` అంటూ సాగే మెలోడీ ట్రాక్ బాగుంది. సాంగ్ ని విజువ‌ల్ గా హైలైట్ చేసారు. అంద‌మైన సెట్స్ స‌హా పాట‌లో భారీత‌నం క‌నిపిస్తుంది. వ‌రుణ్..కృతి స‌న‌న్ ల‌పై చిత్రీక‌రించిన గ్రూప్ సాంగ్ లో డాన్సర్లు భారీగానే క‌నిపిస్తున్నారు.

అందుకోసం వినియోగించిన కాస్ట్యూమ్స్ పాట‌కి ఫ్రెష్ ఫీల్ని తీసుకొస్తున్నాయి. బిగ్ స్ర్కీన్ పై సాంగ్ మ‌రింత విజువ‌ల్ హైలైట్ అవ్వ‌డానికి ఛాన్స్ ఉంది. దీంతో భేదియా పై పాజిటివ్ బ‌జ్ అంత‌కంత‌కు పెరుగుతోంది. తొలి సింగిల్ తోనే శ్రోత‌ల్ని మెప్పించ‌గ‌లిగారు. త‌దుప‌రి సింగిల్స్ ఎలా ఉంటాయ‌న్న‌ది చూడాలి. ఈ చిత్రాన్ని మడాక్‌ ఫిలింస్‌ బ్యానర్‌పై దినేష్ విజయ్‌ నిర్మిస్తున్నారు.

దినేష్ విజన్‌.. హార్రర్‌ కామెడీ యూనివర్స్‌లో మూడో ఇన్‌స్టాల్‌మెంట్‌గా ఈ చిత్రం తెరకెక్కింది. గతంలో ఈ యూనివర్స్‌లో తెరకెక్కిన స్త్రీ.. రూహీ సినిమాలు భారీ విజయాలు సాధించిన సంగ‌తి తెలిసిందే. ఈ నేప‌థ్యంలో ప్రాంచైజీ నుంచి వ‌స్తోన్న సినిమాపై భారీ అంచ‌నాలు నెల‌కొంటున్నాయి.