లండన్ లో యువ హీరో బొమ్మ

ఈ రోజుల్లో మనిషి తనకంటు ఓ గుర్తింపు తెచ్చుకోవాలంటే ఏ స్థాయిలో కష్టపడాలో ప్రత్యేకంగా చెప్పనక్కర్లేదు. ఒక రంగంలో టాలెంట్ కి తగ్గట్టు గుర్తింపు దక్కడమంటే కష్టంతో పాటు చాలా అదృష్టం కూడా ఉండాలి. ఎంతో మంది పోటీకి వస్తారు. వారందరినీ దాటుకుంటూ వెళ్లాలి. ఇక ఇంటర్నేషనల్ లెవల్ లో గుర్తింపు పొందడమంటే సాధారణ విషయం కాదు.

అయితే ఎవరు ఉహించని విధంగా ఒక యువ హీరో విగ్రహం ప్రపంచ ప్రఖ్యాతి గాంచిన మ్యూజియంలో ఏర్పాటు కాబోతోంది. ఆ హిరో ఎవరో కాదు. బాలీవుడ్ స్టార్ హీరో వరుణ్ ధావన్. ప్రస్తుతం బాలీవుడ్ లో మంచి సక్సెస్ ట్రాక్ లో ఉన్న ఈ యువ హీరో రీసెంట్ జుడ్వా 2 తో హిట్ అందుకున్నాడు. ఆ సినిమా తెలుగులో హలో బ్రదర్ కి రీమేక్. అయితే రీసెంట్ గా తన మైనపు విగ్రహం లండన్ లోని మేడం టుస్సాడ్స్ మ్యూజియంలో ప్రదర్శించబడుతోందని సోషల్ మీడియా ద్వారా తెలుపుతూ తన ఆనందాన్ని వ్యక్తం చేశాడు.

అయితే ఇప్పటికే మడం టుస్సాడ్స్ లో ప్రధానమంత్రి మోడీ మరియు బాలీవుడ్ హీరో అమితాబ్ బచ్చన్ అలాగే మన రెబల్ స్టార్ ప్రభాస్ మైనపు బొమ్మలు కూడా వారి స్టైల్ లో అక్కడ కొలువుదిరాయి. వీరితోపాటు చాలామంది ఇండియన్ సెలబ్రిటీల బొమ్మలు అక్కడున్నాయిలే. ఇప్పుడు మరో భారతీయ సెలబ్రెటీ లుక్ అక్కడ ఉండడం ప్రశంసించదగ్గ విషయమే.