వ‌రుణ్ సందేశ్‌ లవర్‌ ఆ హీరోయినే

యంగ్ హీరో వ‌రుణ్ సందేశ్ త్వ‌ర‌లో పెళ్లి చేసుకోబోతున్నాడ‌ని, ఓ క‌థానాయిక‌తో ప్రేమ‌లో ఉన్నాడ‌ని ఇటీవ‌లి కాలంలో ప్ర‌చార‌మైంది. ఓ ప్ర‌ముఖ మీడియా హౌస్ ఈ వార్త‌ను ప్ర‌చారం చేసింది. అయితే ఆ అందాల నాయిక ఎవ‌రై ఉంటారు? అని అంతా స‌ర్‌ ప్రైజ్ అయ్యారు. క్వ‌శ్చ‌న్ మార్క్ ఫేస్ పెట్టారు. విమ‌లారామ‌న్ అంటూ ఓ రూమ‌ర్ న‌డిచినా అది నిజం కాద‌ని తేలిపోయింది.

ఇంతకీ ఆ హీరోయిన్‌ విమ‌ల కాదు భీమవరం బ్యూటి వితిక షెరూ అని ఇప్పుడు తెలిసింది. వ‌రుణ్ సందేశ్ స‌ర‌స‌న వితిక షేరు ప‌డ్డానండి ప్రేమ‌లో మ‌రి అనే చిత్రంలో న‌టించింది. ఈ సినిమా ఆన్‌ సెట్స్ ఉండ‌గానే ఈ ఇద్ద‌రూ ప్రేమ‌లో ప‌డ్డార‌ని స‌ద‌రు మీడియా హౌస్ ఈరోజు ప్ర‌త్యేకించి న్యూస్‌ లో హైలైట్ చేసింది. ఈ భామ అంతకముందు ప్రేమ ఇష్క్‌ కాదల్ సినిమాలో కూడా హీరోయిన్‌ గా చేసిందిలే. ఈ రెండు సినిమాల తరువాత పెద్దగా వెండితెరపై మెరసిందే లేదు.

ఇకపోతే ఇరు వ‌ర్గాల ఫ్యామిలీస్‌ కి ప్రేమ‌, డేటింగ్ గురించి తెలుసునట. ఇటీవ‌లే ఇరు కుటుంబాల మ‌ధ్య‌ పెళ్లికి సంబంధించిన ముచ్చ‌ట్లు కూడా సాగాయ‌ని సదరు మీడియా తెలియజేసింది. మ‌రో నెల‌రోజుల్లో నిశ్చితార్థ కార్య‌క్ర‌మం ఉంటుంది. అటుపై బ్యాండ్ బాజా షురూ అని చెబుతున్నారు. అయితే ఈ వార్త‌ని ఇటు వ‌రుణ్ సందేశ్ కానీ, అటు వితిక కానీ అధికారికంగా ధృవీక‌రించ‌లేదు. ఈ రెండు ఫ్యామిలీస్ నుంచి అధికారిక వార్త ఎప్పుడొస్తుందో చూడాలి.