రియల్ కపుల్.. రీల్లో మరోసారి

టాలీవుడ్ లో చాలా మంది హీరో హీరోయిన్స్ ఇష్టపడి పెళ్లి చేసుకున్న సందర్భాలు ఎన్నో ఉన్నాయి. కొందరు మధ్యలోనే విడిపోతే మరికొందరు అన్యోన్యంగా ఉంటూ.. స్పెషల్ సెలబ్రేటి కపుల్స్ గా నిలుస్తున్నారు. వారిలో వరుణ్ సందేశ్ - విథికా షేరు కూడా ఉన్నారు. 2016 లో వచ్చిన పడ్డానండి ప్రేమలో మరి అనే సినిమా ద్వారా ఒక్కటైన వీరిద్దరూ పెళ్లి చేసుకొని కొంచెం సినీ కెరీర్ కు దూరంగానే ఉంటున్నారు.

అప్పుడపుడు వరుణ్ సందేశ్ కనిపించినా అంతగా ఆకట్టుకోవడం లేదు. అయితే మళ్లీ చాలా రోజుల తర్వాత వరుణ్ తన శ్రీమతి తోనే కలిసి మరో సినిమాలో నటించబోతున్నాడు. గత కొంత కాలంగా సరైన కథ కోసం వెతుకుతున్న వరుణ్ చాలా కథలను ఒకే చేశాడు. కొన్ని మద్యలో ఆగిపోగా మరికొన్ని లాంచింగ్ దశలోనే ఆగిపోయాయని టాలీవుడ్ లో టాక్ బాగానే వినిపించింది. కానీ ఈ సారి పక్కా ప్రణాళికతో నమ్మకమైన ప్రొడ్యూసర్ తో చేతులు కలిపారు.

శ్రీ కృష్ణ దేవరాయలు చరిత్ర నేపథ్యంలో తెరకెక్కే రాయలహారం అనే కథను ఒకే చేశాడు. ఈ సినిమాని సోషియే ఫాంటసీ తరహాలో యువ దర్శకుడు కర్రీ బాలాజీ తెరకెక్కించనున్నాడు. వరుణ్ సందేశ్ వైఫ్‌ వితిక తో పాటు కౌశిక్ బాబు అలాగే బిందాస్ బ్యూటీ షీనా కూడా స్పెషల్ రోల్స్ లో కనిపించనున్నారు. శ్రీనివాస్ - సంతోష్ సంయుక్తంగా నిర్మిస్తోన్న ఈ చిత్రం ఫస్ట్ లుక్ టీజర్ ని త్వరలోనే రిలీజ్ చేస్తామని చిత్ర యూనిట్ తెలిపింది.