సూసైడ్ వార్తలను ఖండించిన వరుణ్‌ సందేశ్‌ వైఫ్‌

కట్ చేస్తే ఇది తెలుగు సినిమా ఇండస్ర్టీ .. ఇక్కడ ఏదన్నా న్యూస్ ఎవరైనా చెబితే చాలు.. అది తమకే నిజంగా తెలిసినట్లు ట్వీట్ చేసే చాలామంది జర్నలిస్టులూ పిఆర్వోలూ తెగ ఉన్నారు. అలాంటి ఒక పిఆర్వో గత రాత్రి పెద్ద చిచ్చే రేపాడు. ఒక టివి ఛానల్ లో వచ్చిన న్యూస్ అస్సలు ఏమాత్రం వెరిఫై చేయకుండా తనకు తానే పోస్టు చేసేసి రచ్చ లేపేశాడు. ఇంతలో పెద్ద కామెడీయే జరిగింది.

ఒక ప్రముఖ టివి ఛానల్.. హీరో వరుణ్‌ సందేశ్‌ భార్య.. హీరోయిన్ వితిక షెరు ఎలియాస్ కీర్తి.. సూసైడ్ ఎటెంప్ట్ చేసిందని బ్రేకింగ్ న్యూస్ వేశారు. అయితే న్యూస్ గురించి పూర్తి క్లారిటీ లేకపోవడంతో.. వరుణ్‌ సందేశ్‌ భార్య ఆత్మహత్యాయత్నం చేసిందని.. ప్రస్తుతం బంజారా హిల్స్ స్టార్ హాస్పిటల్స్ లో చికిత్స పొందుతోందని.. కుటుంబ కలహాల కారణంగానే ఇలా చేసిందని ఆ ఛానల్ లో స్ర్కోలింగ్ వచ్చేసింది. కాకపోతే కేవలం రెండు రోజుల క్రితమే తన ఫ్రెండ్స్ తో చక్కగా ఎంజాయ్ చేసిన వితిక.. ఓ రెండు వారాల క్రితమే అమెరికా నుండి తిరిగొచ్చింది. అక్కడ కూడా వరుణ్‌ సందేశ్‌ తో హ్యాపీగా టైమ్ స్పెండ్ చేసింది. ఇంతలో ఈ స్ర్కోలింగ్ రూమర్లను.. అవి తన సొంత వార్తలే అన్నట్లు ట్వీట్ చేశాడు సదరు పీర్వో. అప్పటివరకు నెటిజన్లకు విషయం తెలియదు కాని.. ఈ ట్వీట్ల దెబ్బతో వైరల్ అయిపోయింది.

వెంటనే తేరుకున్న వరుణ్‌ సందేశ్‌ భార్య వితిక.. ''అసలు మా గురించి వినిపిస్తున్న వార్తలన్నీ నమ్మకండి. అవన్నీ కేవలం రూమర్లు మాత్రమే. నమ్మొద్దు ప్లీజ్'' అంటూ ట్వీట్ చేసింది. ఇదే ట్వీటును వరుణ్‌ సందేశ్‌ కూడా రీట్వీట్ చేశాడు. ఈ దెబ్బతో షాకైన పిఆర్వో వెంటనే తన ట్వీట్లను డెలీట్ చేసేశాడు. కాని అప్పటికే నెటిజన్లందరికీ విషయం తెలిసిపోవడంతో.. అసలు మ్యాటర్ తెలియకుండా కేవలం టివి వార్తలను సొంత వార్తలను ఎందుకు ట్వీట్ చేయడం అంటూ ఫుల్లుగా ఆడేసుకుంటున్నారు.