మెగా హీరో కోసం కోట్లు ఖర్చు

ముకుంద చిత్రంతో హీరోగా వెండితెరకి పరిచయం అయ్యాడు వరుణ్‌తేజ్‌. నాగబాబు తనయుడుగా సుపరిచితమయ్యాడు. ఆరడుగుల అందగాడు. గ్రీకువీరుడు అంటూ తెగ మెచ్చుకున్నారు తెలుగు జనం. యుక్తవయసు అమ్మాయిలైతే వరుణ్‌ అందానికి పరేషాన్‌ అయిపోయారు. తొలిసినిమాతోనే ఆకట్టుకున్న వరుణ్‌తేజ్‌ రెండో సినిమాకి భారీ ప్రణాళికలు వేస్తున్నాడు. ఈసారి గమ్యం, వేదం వంటి విలక్షణ చిత్రాలు తెరకెక్కించిన క్రిష్‌ దర్శకత్వంలో నటిస్తున్నాడు. కంచె అనేది టైటిల్‌. 1920 బ్రిటీష్‌ పాలన నాటి ప్రేమికుల కథాంశంతో ఈ చిత్రాన్ని తెరకెక్కిస్తున్నారు. అందుకోసం ఆనాటి వాతావరణాన్ని క్రియేట్‌ చేస్తున్నారు. ఇప్పటికే సెట్లు వేస్తున్నారు. కోట్లాది రూపాయలు వెచ్చించి హైదరాబాద్‌ పరిసరాల్లో ఓ భారీ సెట్‌ వేశారు. జమీందారీ కోటను తలపిస్తున్న ఈ సెట్‌ ప్రస్తుతం టాలీవుడ్‌లో టాక్‌ ఆఫ్‌ ది టౌన్‌ అయ్యింది. టాలీవుడ్‌లో ఇదో సెన్సేషనల్‌ లవ్‌స్టోరి అవుతుందని అంతా చెబుతున్నారు. అదీ సంగతి.