ఇచ్చి పుచ్చుకున్న నితిన్, వరుణ్

వరుణ్ తేజ్ లోఫర్ (మా అమ్మ మహాలక్ష్మి) సినిమా చేజిక్కించుకుని నితిన్ కి మొండి చెయ్యి చూపాడని ఆ మధ్య కొన్ని వార్తలు వచ్చిన సంగతి తెలిసిందే. అయితే దానికి వరుణ్ తేజ్ ఇచ్చిన సమాధానం విన్నాక ఒకరికొకరు ఇచ్చిపుచ్చుకున్నారని అనిపిస్తుంది. ఇంతకీ వరుణ్ ఏం చెప్పాడంటే...

క్రిష్ దర్శకత్వంలో వరుణ్ నటించిన కంచె సినిమా దసరా రోజు (22న) విడుదల కానుంది. ఈ సినిమా గురించి మీడియాతో ముచ్చటించిన వరుణ్ లోఫర్ సినిమాపై స్పందిస్తూ.. కంచె సినిమా చేస్తున్నపుడే లోఫర్ కథ పూరి వినిపించారు. కథ నీకు నచ్చితేనే చేద్దాం అన్న డైలాగ్ తో వారి డిష్కషన్ ముగిసిందారని చెప్పుకొచ్చిన వరుణ్ కథ బాగా నచ్చడంతో ముందు నితిన్ తో మాట్లాడి అప్పుడు పూరీకి ఓకే చెప్పాడట. ఇక్కడ మరో ట్విస్ట్ కూడా వుంది. నితిన్ కూడా వరుణ్ సినిమాని కొట్టేశాడట. ఇది నమ్మి తీరాల్సిన విషయం. నితిన్ హీరోగా పూరి తెరకెక్కించిన హార్ట్ ఎటాక్ సినిమా వరుణ్ నటించాల్సిందేనట. నిజమేనండోయ్.. అప్పట్లో అప్పటికే ఓ మెగా హీరో (చరణ్)ని పరిచయం చేసిన పూరీనే వరుణ్ ని తెలుగు ప్రేక్షకులకు పరిచయం చేస్తారని అన్నారు మరి.