కంచెలో విడిపోయి.. రాయబారిలో కలుస్తారా?

కంచె జంట మరోసారి కలిసి నటించబోతన్నారు. మెగా ప్రిన్స్ వరుణ్ తేజ్ - ప్రగ్యా జైస్వాల్ వరుసగా మళ్లీ జట్టు కడుతున్నారు. కంచెలో వీరి పెయిర్ కి మంచి రెస్పాన్స్ వచ్చింది. అందగాడైన పొడుగాటి హీరోకి, అంత అందంగాను సరిజోడుగాను ఉన్న ముద్దుగుమ్మ జంటగా నటించిందనే గుర్తింపు లభించింది.

ఇప్పుడు క్రిష్ తీయబోతున్న రాయబారి చిత్రంలో మరోసారి మెరవనున్నారు వరుణ్ తేజ్ - ప్రగ్యా జైస్వాల్. మెగా హీరోలకు ఇలా వరుసగా జట్టు కట్టే అలవాటు ఎక్కువే. అప్పట్లో మెగాస్టార్ చిరంజీవి వరుసగా రాధిక - రాధ - విజయ శాంతిలతో జట్టు కట్టేవారు. ఆ తర్వాత చరణ్ కూడా ఈ వారసత్వాన్ని బాగానే కంటిన్యూ చేశాడు. చెర్రీ-కాజల్ పెయిర్ ఇప్పటికి నాలుగు సినిమాల్లో కలిసి నటించారంటే.. కాంబినేషన్ పై ఎంత క్రేజ్ ఉందో అర్ధమవుతుంది. ఇప్పుడు వరుణ్ తేజ్ కూడా దీన్ని కంటిన్యూ చేస్తున్నాడు.

వరుణ్ తేజ్ - ప్రగ్యా జైస్వాల్ లు కంచె సినిమాలో జంటగా నటించినా.. అందులో విడిపోతారు. బతికుండగా కలిసే అవకాశం లేక చనిపోయి కలుసుకున్నారన్నట్లుగా ఆ మూవీ ఉంటుంది. మరి ఈ రాయబారిలో అయినా.. డైరెక్టర్ క్రిష్ వీళ్లిద్దరి ప్రేమను సుఖాంతం చేస్తాడో లేదో ?