లండన్ షికారులో భలేగున్నారే!!

ఫిదా సినిమాతో కెరీర్ లోనే బిగెస్ట్ హిట్ అందుకున్న మెగా హీరో వరుణ్ తేజ్ రానున్న రోజుల్లో మరో హిట్ కొట్టాలని చూస్తున్నాడు. ప్రస్తుతం తొలి ప్రేమ అనే సినిమాను చేస్తున్నాడు. ఈ సినిమా మేజర్ షూటింగ్ లండన్ లో జరుగుతోంది. వరుణ్ సరసన బబ్లీ గర్ల్ రాశి ఖన్నా రొమాన్స్ చేయనుంది. తొలి ప్రేమ టైటిల్ పెట్టినప్పటి నుండి అందరి చూపు ఆ సినిమాపై మళ్లింది.

అయితే రీసెంట్ లండన్ లో రాశిఖన్నా - వరుణ్ తేజ్ దిగిన ఒక ఫొటో సోషల్ మీడియాలో హల్ చల్ చేస్తోంది. లండన్ విధుల్లో కారులో రాశి ఖన్నా వరుణ్ తో దిగిన సెల్ఫీ చాలా బావుంది. ఆ ఫొటోని రాశి తన ట్విట్టర్ అకౌంట్ లో పోస్ట్ చేసింది. గాలికి రాశి ఖన్నా కురులు ఆమె ఫెస్ పై ఆటలాడుతున్నాయి. ఇక వరుణ్ తేజ్ తన మొబైల్ లో ఎదో చూసుకుంటూ చిన్న స్మైల్ ఇస్తున్నాడు. అదే విషయాన్ని రాశిఖన్నా చెబుతూ.. ఆ స్పెషల్ ఫొటోని షేర్ చేసింది. రాశిఖన్నాని చూస్తుంటే ఈ సినిమాతో కూడా తన గ్లామర్ తో అదరొట్టెలనే ఉంది.

ఇక వరుణ్ తేజ్ పూర్తిగా కొత్తగా కనిపిస్తున్నాడు. హెయిర్ స్టయిల్ కూడా మార్చేశాడు. ఇద్దరు గత చిత్రాలతో మంచి విజయాన్ని అందుకున్నారు. మరి వీరి తొలిప్రేమకు ప్రేక్షకులు ఫిదా అవుతారో లేదో చూడాలి. ఇక ఈ సినిమాకి థమన్ సంగీతాన్ని అందిస్తున్నాడు. వచ్చే ఏడాది మే లో సినిమాను రిలీజ్ చేసేందుకు ప్లాన్ చేస్తున్నట్లు తెలుస్తోంది.