దీపావ‌ళి సెల‌బ్రేష‌న్స్ తో మ‌న‌సులు దోచుకున్న మెగా ప్రిన్స్‌!

స్టార్ సెల‌బ్రిటీస్ ఈ దివాళీని కుటుంబ స‌భ్యుల‌తో అహ్ల‌ద‌క‌ర‌మైన వాతావ‌ర‌ణంలో జ‌రుపుకున్నారు. అయితే యంగ్ హీరో మెగా ప్రిన్స్ వ‌రుణ్ తేజ్ మాత్రం అంద‌రికి కాస్త భిన్నంగా జ‌రుపుకోవ‌డం విశేషం. వివ‌రాల్లోకి వెళితే.. హీరో వ‌రుష్ తేజ్ ఈ దీపావ‌ళిని కాస్త భిన్నంగా జ‌రుపుకుని అంద‌రి మ‌న‌సులు దోచుకున్నాడు. ఫ్యామిలీతో కాకుండా దృష్టిలోపం వున్న దివ్యాంగుల పాఠ‌శాల‌కు చెందిన పిల్ల‌ల‌తో దీపావ‌ళిని ప్ర‌త్యేక‌రంగా జ‌రుపుకున్న తీరు ప్ర‌తీ ఒక్క‌రి హృద‌యాన్ని తాకింది.

దృష్టిలోపం వున్న దివ్యాంగుల పాఠ‌శాల‌కు వెళ్లిన వ‌రుష్ తేజ్ ఆ పాఠ‌శాల‌లో వున్న పిల్ల‌లంద‌రికీ టాపాసుల‌ని పంచ‌డ‌మే కాకుండా అంద‌రికి టాపాసుల‌తో పాటు స్వీట్ల‌ని కూడా అందించిన ప్ర‌త్యేకంగా విందుని కూడా వారికి ఏర్పాటు చేయించాడు. దీపావ‌ళి రోజున మెగా ప్రిన్స్ వ‌రుణ్ చేసిన ఈ ప‌నికి నెటిజ‌న్ లు ఫిదా అవుతున్నారు. సోష‌ల్ మీడియా వేదిక‌గా వ‌రుణ్ తేజ్ పై ప్ర‌శంస‌ల వ‌ర్షం కురిపిస్తూ నెట్టింట వైర‌ల్ చేస్తున్నారు.

వ‌రుణ్ తేజ్ దీపావ‌ళి సెల‌బ్రేష‌న్స్ కి సంబంధించిన వీడియో ప్ర‌స్తుతం నెట్టింట వైర‌ల్ గా మారింది. ఈ సంద‌ర్భంగా వ‌రుణ్ తేజ్ మాట్లాడుతూ `దీపావ‌ళి అనేది వెలుగులు నింపే పండ‌గే కాకుండా ఆనంద‌రి ఆనందానికి సంబంధించిన‌ది. కాబ‌ట్టి నేను వీరి జీవితాల్లో కొంతైనా ఆనందాన్ని తీసుకురావాల‌ని ఈ ప్ర‌య‌త్నం చేశాను. ఈ విష‌యంలో నేను చాలా సంతోషిస్తున్నాను. మ‌న వ‌ల్ల ఓ వ్య‌క్తి న‌వ్వాడంటే నిజంగా అది ఓ ప్ర‌త్యేక అనుభూతిని క‌లిగిస్తుంది` అని తెలిపాడు.

ఇదిలా వుంటే రొటీన్ భిన్నంగా సాగే క‌థ‌ల్ని ఎంచుకుంటూ కెరీర్ ప్రారంభం నుంచి విభిన్న‌మైన సినిమాల్లో న‌టిస్తూ త‌న ప్ర‌త్యేక‌త‌ను చాటుకుంటున్న వ‌రుణ్ తేజ్ ప్ర‌స్తుతం బాలీవుడ్ వైపు అడుగులు వేస్తున్న విష‌యం తెలిసిందే. ఇందులో భాగంగా VT13 ప్రాజెక్ట్ ని మొద‌లు పెట్టాడు. ఈ మూవీకి కొత్త ద‌ర్శ‌కుడు శ‌క్తి ప్ర‌తాప్ సింగ్ ద‌ర్శ‌క‌త్వం వ‌హిస్తున్నాడు. ప్ర‌స్తుతం ఈ మూవీ చిత్రీక‌ర‌ణ ద‌శ‌లో వుంది. సోనీ పిక్చ‌ర్స్ ఇంట‌ర్నేష‌న‌ల్‌, రినైస‌న్స్ పిక్చ‌ర్స్ బ్యానర్ ల‌పై ఈ మూవీని అత్యంత భారీ స్థాయిలో నిర్మిస్తున్నారు.

భార‌త వైమానిక ద‌ళం స్ఫూర్తితో యాక్ష‌న్ డ్రామాగా ఈ మూవీని నిర్మిస్తున్నారు. ఈ సినిమాతో పాటు వ‌రుణ్ తేజ్ .. ప్ర‌వీణ్ స‌త్తారు డైరెక్ష‌న్ లోనూ ఓ యాక్ష‌న్ డ్రామాని చేస్తున్న విష‌యం తెలిసిందే. భారీ స్థాయిలో భారీ బ‌డ్జెట్ తో రూపొందుతున్న ఈ మూవీ షూటింగ్ కూడా ఇటీవ‌లే మొద‌లైంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.