మరీ అలా ఫీలైతే ఎలా మెగా హీరో

ఫిలిం ఇండస్ట్రీలో సక్సెస్ ల కంటే ఫెయిల్యూర్స్ రేట్ ఎక్కువగా ఉంటుంది. ఎవరో ఒకరిద్దరు హీరోలు మినహాయిస్తే.. అందరికీ ఈ సూత్రం వర్తిస్తుంది. అసలు ఫ్లాప్ అనేది ఎరుగని నటులు ఒక్కరంటే ఒక్కరు కూడా ఉండరు. అలాగని ఫ్లాప్ వచ్చిందని ఎక్కువగా ఫీలయిపోతూ కూర్చుంటే.. ఆ ఎఫెక్ట్ తర్వాతి సినిమాలపై పడిపోతుంది.

ఈ విషయం సీనియర్ హీరోలకు బాగానే తెలుసు కానీ.. కుర్రాళ్లు ఈ సంగతి అర్ధం చేసుకునేందుకు టైం పడుతూ ఉంటుంది. మెగా ఫ్యామిలీ హీరో వరుణ్ తేజ్ అరంగేట్రం నుంచి డిఫరెంట్ రూట్ లోనే ఉన్నాడు. రిస్క్ అయినా వైవిధ్యమైన సినిమాలు చేస్తూ.. మంచి యాక్టర్ అనిపించుకున్నాడు. తొలి రెండు సినిమాలకు మంచి పేరు వచ్చాక.. లోఫర్ అంటూ ఫ్లాప్ ఎదురైనా దాని ఎఫెక్ట్ పూరీ పైనే పడింది. కానీ రీసెంట్ గా వచ్చిన మిస్టర్ మూవీ మాత్రం నిర్మాతలకు బోలెడంత నష్టంతో పాటు హీరోకు కష్టాలు కూడా తెచ్చిపెట్టింది. శ్రీను వైట్ల దర్శకత్వంలో తెరకెక్కిన మిస్టర్ ఫ్లాప్ ను వరుణ్ తేజ్ ఇంకా జీర్ణించుకోలేకపోతున్నాడట.

కనీసం నలుగురికీ మొహం చూపించేందుకు కూడా ఇష్టపడ్డం లేదట. రీసెంట్ గా ఓ ఆడియో ఫంక్షన్ కు గెస్ట్ గా ఆహ్వానిస్తే.. ససేమిరా కుదరదని చెప్పేశాడట. ఒక్క ఫ్లాప్ కే ఇంతగా దిగాలు పడిపోతే ఎలా అంటున్నారు ఇండస్ట్రీ జనాలు. ఆటు పోట్లు అనేవి ఏ ఇండస్ట్రీలో అయినా తప్పవ్ అని గుర్తించాలి కదా!

Like Us on Facebook : https://www.facebook.com/Tupakidotcom/