మెగాస్టార్ ని ఇమిటేట్ చేస్తున్న వారసుడు

మెగాస్టార్ చిరంజీవికి ప్రతీ సినిమాలో ఓ స్పెషల్ మూవ్మెంట్ ఉండేది. రెండు దశాబ్దాల క్రితం అయితే.. ప్రతీ మూవీకి కొత్తదనం చూపించడంలో భాగంగా ట్రేడ్ మార్క్ స్టైల్ చూపించేవారు. డ్రెసింగ్ నుంచి కేరక్టరైజేషన్ వరకూ చాలానే పోజులు ఉండేవి. వీటన్నిటినీ ఫ్యాన్స్ విపరీతంగా ఫాలో అయిపోయేవారు.

ముఖ్యంగా అప్పుడు పిల్లలుగా ఉన్నవాళ్లకైతే మెగాస్టార్ స్టిల్స్ ట్రేడ్ మార్క్ ల్లా నిలిచేవి. అన్ని కోట్ల మంది అభిమానులను ఇన్ స్పైర్ చేసిన ఆయన.. తన కుటుంబంలో పిల్లలను కూడా అలాగే ఉర్రూతలూగిస్తారు కదా. ఇఫ్పుడు మీరు చూస్తున్న ఫోటో అలాంటిదే. ఈ మెగా వారసుడు అప్పట్లో మెగాస్టార్ ని ఇమిటేట్ చేస్తున్న ఫోటో ఇది. పిల్లోడి స్టిల్ చూడగానే ఇది గ్యాంగ్ లీడర్ అని అర్ధమైపోతోంది. ఇంతకీ ఈ మెగా వారసుడు ఎవరంటే.. నాగబాబు తనయుడు వరుణ్ తేజ్. 'చిన్నప్పుడు గ్యాంగ్ లీడర్ లో చిరంజీవిని ఇమిటేట్ చేస్తున్నా..' అంటూ ట్వీట్ చేసిన వరుణ్ తేజ్.. స్వయంగా ఈ ఫోటోని ట్వీట్ చేశాడు.

చిన్ననాటి జ్ఞాపకాలు తనకు గుర్తురాగానే.. అభిమానులతో అలా పంచేసుకున్నాడన్న మాట. ఇక సినిమాల విషయానికొస్తే మొదట ఏడాదిలో 3 సినిమాలు చేసిన వరుణ్ తేజ్.. ఇప్పుడు శ్రీనువైట్ల మిస్టర్ ను.. మరోవైపు శేఖర్ కమ్ములతో కొత్త సినిమా షూటింగ్ కి రెడీ అవుతున్నాడు.