షాకిచ్చిన వరుణ్‌ తేజ్.. 'మిష్టర్‌' మొదలైంది

మొత్తానికి షాకులివ్వడం అనేది మెగా హీరో వరుణ్‌ తేజ్‌ కు బాగా అలవాటైపోయింది. ఒక ప్రక్కన శేఖర్‌ కమ్ముల సినిమా నెరేషన్‌ సెషన్ లో హీరోయిన్‌ సాయి పల్లవితో కలసి కనిపించగానే.. ఇక శ్రీను వైట్ల సినిమా అటకెక్కినట్లే అనుకున్నారు అందరూ. కాని వరుణ్‌ తేజ్‌ మాత్రం.. మెగా హీరోలు ఓసారి మాటిస్తే ఆరునూరైనా కూడా దానికి కట్టుబడే ఉంటారు అనే టాక్‌ ను మరోసారి ప్రూవ్ చేశాడు.

ఈరోజు ఉదయం ఫ్లయిట్ లో స్పెయిన్ బయలుదేరాడు వరుణ్ తేజ్. సాయంత్రానికి అక్కడికి చేరుకుంటాడు. ఇప్పటికే దర్శకుడు శ్రీను వైట్లతో కలసి ఇతర టీమ్‌ అంతా అక్కడికి చేరుకున్నారు. హీరోయిన్ లావణ్య త్రిపాటి మరియు హెబ్బా పటేల్ కూడా చేరుకుంటారు. స్పెయిన్ లోని వివిధ లొకేషన్లలో మనోళ్ళు చాలా ముఖ్యమైన సీన్లతో పాటు పాటలను కూడా షూట్‌ చేస్తారట. పైగా ఇప్పటికే వైట్ల తీసే హౌస్ కామెడీ కోసం అక్కడే ఒక ఇంటిని కూడా ఫిక్స్ చేసి పెట్టారు.

మొత్తానికి స్పెయిన్ వీసాలు టైముకు రాకనో.. లేకపోతే స్ర్కిప్టు పరంగా కాస్త లేటవ్వడమో.. ఏదో ఒక కారణం చేత ఇన్నాళ్ళు వాయిదా పడిన ''మిష్టర్‌'' సినిమా ఎట్టకేలకు మొదలవుతోంది. ఇప్పటికే మెగా హీరోలకు అందరివాడు - బ్రూస్ లీ సినిమాలను అందించి.. మెగా అభిమానులను భారీగా డిజప్పాయింట్ చేసిన శ్రీను వైట్ల.. ఇప్పుడన్న హిట్టు కొడతాడని ఆశిద్దాం.