మరో 'ఫిదా'తో ముందుకొస్తున్నాడా?

మెగా హీరోస్ లో దాదాపు అందరు బాక్స్ ఆఫీస్ హిట్స్ కొట్టేశారు ఈ ఒక్క హీరో తప్ప అనుకుంటున్న సమయంలో ఫిదా తో వచ్చి కెరీర్ లో బిగ్గెస్ట్ హిట్ అందుకున్నాడు వరుణ్ తేజ్. శేఖర్ కమ్ముల తెరకెక్కించిన ఆ సినిమా దాదాపు అన్ని వర్గాల ప్రేక్షకులకు నచ్చేసింది. ఈ ఇయర్ దిల్ రాజు ప్రొడక్షన్ కి మరో హిట్ ఇవ్వడమే కాకుండా సాయి పల్లవి కి గ్రాండ్ వెల్కమ్ ని ఇచ్చింది ఫిదా.

అయితే ఇప్పుడు వరుణ్ తేజ హీరోగా మళ్లీ ఫిదా 2 రానుందని ప్రస్తుతం టాలీవుడ్ లో ఒక టాక్ బలంగా వినిపిస్తోంది. నిన్ను కోరి సినిమాతో మంచి దర్శకుడిగా గుర్తింపు తెచ్చుకున్న శివ నిర్వాణ ఫిదా 2 టైటిల్ ను అలాగే సినిమాలో హీరో క్యారెక్టర్ ని వాడుకోనున్నాడట. ఫిదా లో వరుణ్ క్యారెక్టర్ ప్రేయసి కోసం తపన పడే విధంగా ఉంటుంది. అయితే అదే పాత్రను శివ నిర్వాణ తీసుకొని స్టోరీని మాత్రం కొత్తగా నడిపిస్తాడట.

నిన్ను కోరిలో ఈ దర్శకుడు నాని ని చాలా బాగా చూపించాడు. ఇప్పుడు అదే తరహాలో వరుణ్ ని కూడా చూపించి ప్రేక్షకులను ఫిదా చేయాలనీ అనుకుంటున్నాడు. ప్రస్తుతం కథా చర్చలు జరుగుతున్నాయి. హీరో ఒకే అంటే డీవీవీ దానయ్య సెట్స్ పైకి తీసుకెళతారట. ప్రస్తుతం వరుణ్ తొలిప్రేమ షూటింగ్ లో బిజీగా ఉన్నాడు. మరి ఫిదా 2 పట్టాలెక్కితే ఎంతవరకు ఆకట్టుకుంటుందో చూడాలి.