వరుణ్ ని చూస్తే ఆ ఆలోచన రావాల్సిందే !

మెగా హీరోల్లో తనకంటూ ఓ సెపరేట్ ఇమేజ్ తెచ్చుకున్నాడు వరుణ్ తేజ్. డిఫరెంట్ క్యారెక్టర్స్ , కొత్త కథలు ఎంచుకుంటూ హీరోగా దూసుకెళ్తున్నాడు. ప్రస్తుతం వరుణ్ లేటెస్ట్ సినిమా 'వాల్మీకి' టీజర్ చూసి అందరూ షాక్ అవుతున్నారు. ఇందులో వరుణ్ లుక్ కి ఫిదా అవుతున్నారు ఆడియన్స్. కెరీర్ మంచి ఊపందుకుంటున్న టైంలో ఇలాంటి సినిమా అవసరమా..? అని అందరూ మొదట్లో అనుకున్నా ఇప్పుడు వరుణ్ ని మెచ్చుకుంటున్నారు.

ఇప్పుడు సినిమాలో వరుణ్ లుక్ చూసి అతన్ని విలన్ గా పెట్టి సినిమా చేయాలన్న ఆలోచన రావాల్సిందే. చూపులో పౌరుషం, పవర్ ఫుల్ లుక్ తో ఎట్రాక్ట్ చేస్తున్నాడు వరుణ్. ఏదైనా పెద్ద సినిమాలో వరుణ్ విలన్ గా చేసేయొచ్చు అన్నట్టే ఉంది ఆ లుక్. లుక్ ఎలా ఉన్నప్పటికీ సినిమాలో మాత్రం వరుణ్ కామెడీ బాగా చేస్తాడట. ఎందుకంటే ఒరిజినల్ లో బాబీ సిన్హా క్యారెక్టర్ తో కూడా చివర్లో కామెడీ చేయించాడు డైరెక్టర్.

సినిమా 'జిగర్తాండ' కి రీమేక్ అయినప్పటికీ చాలా మార్పులు చేసాడు హరీష్. తనదైన స్టైల్ లో సినిమాను తెరకెక్కిస్తున్నాడు. అందుకే అధర్వ ని తీసుకున్నారు. ఆ క్యారెక్టర్ కంటే వరుణ్ క్యారెక్టర్ హైలైట్ అయ్యేలా కథలో మార్పులు జరిగాయని తెలుస్తుంది. అంతే కాదు హీరోయిన్ గా పూజా ని తీసుకున్నారు. అన్నీ హంగులతో ఓ మాస్ ఎంటర్టైనర్ అందించాలని ఆరటపడుతున్నాడు హరీష్. మరి 'దబాంగ్' రీమేక్ గా 'గబ్బర్ సింగ్' ను తెరకెక్కించి బ్లాక్ బస్టర్ అందుకున్న హరీష్ ఇప్పుడు ఎలాంటి హిట్ సాదిస్తాడో చూడాలి.