మెగా ఎటాక్‌ కు పూరి తేదీ ఫిక్సయ్యింది

కంచె హిట్ తో సక్సెస్ జోష్ లో ఉన్నాడు మెగావారసుడు వరుణ్ తేజ్. ఇదే ఊపులో ఇతగాడి నెక్ట్స్ మూవీ కూడా రిలీజ్ కానుందని తెలుస్తోంది. సూపర్ స్పీడ్ డైరెక్టర్ పూరీ జగన్నాధ్ దర్శకత్వంలో రూపొందుతున్న లోఫర్ మూవీకి.. షూటింగ్ పార్ట్ ఇప్పటికే పూర్తయిపోయింది.

ప్రస్తుతం పోస్ట్ ప్రొడక్షన్ వర్క్స్ జరుపుకుంటున్న ఈ చిత్రాన్ని.. డిసెంబర్ లో విడుదల చేయాలని భావిస్తున్నాడు పూరి. నవంబర్ లో ఆడియా ఫంక్షన్ నిర్వహించి, డిసెంబర్ 18న రిలీజ్ డేట్ సెట్ చేయాలన్నది పూరి ఆలోచనగా చెప్పుకుంటున్నారు. ఇప్పటికే కంచె సినిమాతో మాంచి ఊపు మీదున్న వరుణ్‌ తేజ్‌.. ఇప్పుడు మరోసారి ఒక పెద్ద హిట్టు కొట్టే ప్లానుతో ఉన్నట్లున్నాడు. ఇకపోతే ఇప్పుడు మెగా అభిమానులు ఆశిస్తున్నట్లు మనోడు ఫక్తు కమర్షియల్‌ సినిమాతో దూసుకొస్తున్నాడు. అసలే పూరి.. అంటే ఆ మాస్‌ ఎలిమెంట్స్‌ ఏ రేంజులో ఉంటాయో చూస్కోండి.

కొన్ని రకాల సజెషన్స్, ఈక్వషన్స్ తర్వాత ఈ మూవీ టైటిల్ ని మార్చే యోచన ఉంది పూరీకి. మా అమ్మ మహాలక్ష్మి అనే పేరు సెట్ చేస్తారనే టాక్ ఉన్నా.. పూరీ కానీ, వరుణ్ తేజ్ గానీ ఈ విషయాన్ని ఇప్పటివరకూ అనౌన్స్ చేయలేదు. వరుణ్ సరసన బాలీవుడ్ భామ దివ్య పటానీ హీరోయిన్ నటిస్తుండగా.. సి కళ్యాణ్ ఈ చిత్రాన్ని నిర్మిస్తున్నారు