మెగా హీరోకి వాట్ ఏ గిఫ్ట్

మెగా ఫ్యామిలీ నుంచి చాలా మంది హీరోలే ఇండస్ట్రీలో ఉన్నారు కానీ.. మొదటి నుంచి ఫుల్ క్లాస్ లుక్స్ తో ఇరగదీస్తున్న ఏకైక కుర్రాడు వరుణ్ తేజ్. వెరైటీ కాన్సెప్టులు ఎంచుకుంటూ.. చేసిన విధమైన సినిమా మళ్లీ చేయకుండా.. కెరీర్ కంటిన్యూ చేస్తున్న ఈ హీరోకి.. లేడీస్ ఫ్యాన్ ఫాలోయింగ్ బోలెడంత ఉంటుంది.

తాజాగా వరుణ్ తేజ్ కి ఓ సూపర్బ్ గిఫ్ట్ అందింది. ఆ బహుమతి ఏంటంటే ఓ పెయింటింగ్. అది కూడా ఎవరిదో కాదు.. వరుణ్ తేజ్ దే కావడం విశేషం. వరుణ్ చిత్రపటాన్ని ఓ విభిన్నమైన లుక్ తో పెయింటింగ్ వేసి పట్టుకొచ్చింది ఓ అమ్మాయి. తనకే షాక్ కొట్టించే రేంజ్ లో ఉన్న ఆ పెయింటింగ్ చూసి మెస్మరైజ్ అయిపోయాడు వరుణ్ తేజ్. తన స్వహస్తాలతో వేసిన పెయింటింగ్ ని తన చేతులమీదుగానే వరుణ్ తేజ్ కి అందించి తెగ సంబరపడిపోయింది. ఆ చిత్రపటాన్ని చూసుకుని మరీమరీ మురిసిపోయిన వరుణ్ తేజ్.. ఆ అమ్మాయితో కలిసి ఫోటో దిగాడు.

ఇంతకీ ఈ పెయింటింగ్ ను.. ఫోటోను అభిమానులకు షేర్ చేసింది ఎవరో తెలుసా? వరుణ్ తేజ్ తో కలిసి మిస్టర్ మూవీలో ఆడిపాడిన బ్యూటీ లావణ్యా త్రిపాఠి. ఇప్పుడీ కుర్రాడు ఫిదా అంటూ మరో ప్రేమకథతో ప్రేక్షకులను పలకరించబోతున్నాడు. శేఖర్ కమ్ముల దర్శకత్వం కావడం.. మలయాళ ప్రేమమ్ బ్యూటీ సాయి పల్లవి హీరోయిన్ గా నటిస్తుండడం.. ఫిదాకు అదనపు ఆకర్షణలు.

Like Us on Facebook : https://www.facebook.com/Tupakidotcom/