వివాదాల రాణిపైనే మ‌న‌సు పడిన మెగా హీరో

వైవిధ్యానికి కేరాఫ్ అడ్రెస్ మెగా ప్రిన్స్ వ‌రుణ్ తేజ్. కెరీర్ ప్రారంభం నుంచి విభిన్నంగా అడుగులు వేస్తున్న మెగా హీరోగా అత‌డికి ప్ర‌త్యేక ఫాలోయింగ్ ఉంది. గ‌త శుక్ర‌వారం రిలీజైన‌ `గ‌ద్ద‌లకొండ గ‌ణేష్‌` చిత్రంతో మంచి విజయాన్ని త‌న ఖాతాలో వేసుకున్న వ‌రుణ్ వేరొక ఆస‌క్తిక‌ర కార‌ణంతో టాక్ ఆఫ్ ది టౌన్ అయ్యాడు. మ‌న‌సులో దాగి ఉన్న హిడెన్ కోరికను ఓ చాట్ షోలో ఓపెన్ అవ్వ‌డం ఫ్యాన్స్ లో వేడెక్కిస్తోంది. మంచు ల‌క్ష్మీ `ఫీట్ అప్ విత్ స్టార్స్‌` పేరుతో ఓ రొమాంటిక్ షోని నిర్వ‌హిస్తున్న సంగ‌తి తెలిసిందే. ఈ కార్య‌క్ర‌మంలో పాల్గొన్న వ‌రుణ్‌ తేజ్ ముగ్గుర‌మ్మాయిల‌పై త‌న‌కు ఉన్న క్ర‌ష్ గురించి వెల్ల‌డించి అంద‌రిని ఆశ్చ‌ర్య ప‌రిచాడు. ప‌డ‌క‌గ‌ది వాతావ‌ర‌ణం ఉండే ఈ షోలోకి నైట్ డ్రెస్ లో ఎంట‌రైన వ‌రుణ్‌ తేజ్ వ్యాఖ్యాత‌ మంచు ల‌క్ష్మీతో క‌లిసి బెడ్ పై కూర్చుని త‌న డ్రీమ్ గ‌ర్ల్స్ గురించి పలు ఆస‌క్తిక‌ర విష‌యాల్ని పంచుకున్నాడు.

ఈ షో ప్ర‌త్యేక‌తే అది. ఇందులో పాల్గొనే స్టార్ లు త‌మ వ్య‌క్తిగ‌త వివ‌రాల‌తో పాటు ఇప్ప‌టి వ‌ర‌కు ఎవ‌రికీ చెప్ప‌ని విష‌యాల్ని వెల్లడించాలి. దాంతో వ‌రుణ్ త‌న వ్య‌క్తిగ‌త సంగ‌తుల్ని హిడెన్ ఎజెండాని వెల్ల‌డించి షాకిచ్చాడు. రాశీఖ‌న్నా- పూజా హెగ్డే- సాయి ప‌ల్ల‌విల్లో ఎవ‌రిని పెళ్లి చేసుకుంటావు? - ఎవ‌రితో డేటింగ్ చేస్తావ్? ఎవ‌రిని చంపాల‌నుకుంటావు? అని అడిగితే ట‌క‌ట‌కా స‌మాధానం చెప్పి ఆశ్చ‌ర్య‌ప‌రిచాడు. ఈ ముగ్గురిలో సాయిప‌ల్ల‌విని పెళ్లి చేసుకుంటాన‌ని.. పూజా హెగ్డేతో డేటింగ్ చేస్తాన‌ని.. ఇక రాశీఖ‌న్నాను చంపేస్తాన‌ని చెప్పి షాకిచ్చాడు. వ‌రుణ్ చెప్పిన మాట‌లు ఇప్పుడు సోష‌ల్ మీడియాలో వైర‌ల్ గా మారాయి.

బెడ్ టైమ్ ప్ర‌శ్న‌ల‌కు బాగానే స‌మాధానం చెప్పాడు కానీ... ఫిదా బ్యూటీ సాయిప‌ల్ల‌విని పెళ్లాడేస్తాన‌ని అన‌డ‌మే ఫ్యాన్స్ లో వేడెక్కించే చ‌ర్చ‌కు దారి తీసింది. ఉన్న‌ది ఉన్న‌ట్టు కుండ‌బ‌ద్ధ‌లు కొట్టేస్తూ మొహంపైనే మాట్లాడేసే ఈ బ్యూటీపై ర‌క‌ర‌కాల సంద‌ర్భాల్లో ర‌క‌ర‌కాల రూమ‌ర్లు వ‌చ్చాయి. హీరోల‌తో వివాదాలు బ‌య‌ట‌ప‌డి వివాదాల రాణిగానూ సాయిప‌ల్ల‌వి పాపుల‌రైంది. అలాంటి అమ్మాయిని పెళ్లాడితే వ‌రుణ్ నెగ్గుకు రాగ‌ల‌డా? ఎవ‌రు ఎవ‌రికి ముకుతాడు వేస్తారు? అంటూ ఫ్యాన్స్ ఊహాగానాల్లోకి వెళ్లిపోతున్నారు.