మెగా హీరో ఆమెతో మరోసారి..

టాలీవుడ్ లో బెస్ట్ జోడీలకు మంచి డిమాండ్ ఉంటుందని అందరికి తెలిసిందే. ఎన్ని సార్లు కనిపించినా రిజల్ట్ తో సంబంధం లేకుండా హిట్ ఫెయిర్ ని అభిమానులు తెగ ఎంజాయ్ చేస్తారు. ఆయితే ఈ మధ్య డిజాస్టర్ ను చూసిన జోడీలు మళ్లీ ఒకటవుతున్నారు. బ్రూస్ లీ సినిమాతో గతంలో డిజాస్టర్ అందుకున్న రకుల్ రామ్ చరణ్ జోడి ధృవ సినిమాలో కనిపించి హిట్ కొట్టిన సంగతి తెలిసిందే.

అలాగే నితిన్ కూడా మేఘా ఆకాష్ కి లై సినిమాతో డిజాస్టర్ ఇచ్చినప్పటికీ ఛల్ మోహన్ రంగ సినిమాలో అవకాశం ఇచ్చి ఆఫర్స్ వచ్చేలా చేశాడు. ఇకపోతే అదే తరహాలో ఇప్పుడు మరో హీరో కూడా ఫెయిల్యూర్ ఇచ్చిన హీరోయిన్ తో జత కట్టడానికి సిద్ధమయ్యాడు. అతను ఎవరో కాదు. ఇప్పుడిపుడే బాక్స్ ఆఫీస్ దగ్గర తన స్టార్ డమ్ ని చూపిస్తోన్న మెగా యువ హీరో వరుణ్ తేజ్. ఫిదా - తొలిప్రేమ తరువాత వరుణ్ ఘాజి దర్శకుడు సంకల్ప్ రెడ్డి చెప్పిన కథను ఒకే చేసిన సంగతి తెలిసిందే.

అయితే ఈ సినిమాలో ముందుగా అదితి రావ్ హైదరిని ఫిక్స్ చేశారు. ఇక మరో ముఖ్యమైన పాత్ర కోసం లావణ్య త్రిపాఠి ని ఫైనల్ చేసినట్లు తెలుస్తోంది. ఇంతకుముందు లావణ్య వరుణ్ తేజ్ తో మిస్టర్ సినిమాలో నటించిన సంగతి తెలిసిందే. శ్రీను వైట్ల దర్శకత్వంలో తెరకెక్కిన ఆ సినిమా డిజాస్టర్ అయ్యింది. అయితే ఇప్పుడు సంకల్ప్ తెరకెక్కించనున్న స్పెస్ థ్రిల్లర్ తరహా కథలో లావణ్య - వరుణ్ జోడి మళ్లీ రిపీట్ కానుంది. మరీ ఈ సినిమాతో అయినా హిట్టు అందుకుంటారో లేదో చూడాలి. ఈ ఇయర్ ఎండింగ్ లో ఈ సినిమా రిలీజ్ కానుంది.