రాక్షసి మీద డిపెండైన వైట్ల అండ్ కో

మొత్తానికి ఎప్పుడెప్పుడు మొదలవుతుందా అనుకున్న ''మిష్టర్'' సినిమా తదుపరి షెడ్యూల్ మొదలవుతోంది. అప్పుడెప్పుడో స్పెయిన్ లో మొదటి షెడ్యూల్ పూర్తి చేసిన హీరో వరుణ్‌ తేజ్ మరియు దర్శకుడు శ్రీను వైట్ల.. ఆ తరువాత బ్రేకిచ్చారు. అటు వరుణ్‌ చక్కగా నిజామాబాద్ చెక్కేసి ''ఫిదా'' సినిమా షూటింగ్ చేసుకుంటున్నాడు. అందుకే రెండో షెడ్యూల్లోకి మిష్టర్ ఎప్పుడు జంపేస్తాడోనని అందరూ ఎదురు చూశారు.

ఈ సోమవారం (12 సెప్టెంబర్) నుండే ఊటీలో శ్రీను వైట్ల కొత్త షెడ్యూల్ మొదలెడుతున్నాడంటే. మొన్న స్పెయిన్ షెడ్యూల్లో హెబ్బా పటేల్ ను రొమాన్స్ చేసిన మెగా హీరో.. ఈసారి ఊటీలో అందాల రాక్షసి లావణ్య త్రిపాఠితో తన టాలెంట్ చూపిస్తాడట. సినిమాలో లావణ్య చేయబోయే క్యారెక్టర్ చాలా ముఖ్యమైనదని చెప్పుకొస్తున్నారు వైట్ల టీమ్. పైగా వీరు డిజైన్ చేసిన లావణ్య క్యారెక్టర్ చుట్టూతానే సినిమా చాలా భాగం తిరుగుతూ ఉంటుందట. అందుకే వీళ్ళు ఈ క్యారెక్టర్ పై చాలా ఆశలు పెట్టుకున్నాం అంటున్నారు.

మొన్న స్పెయిన్.. ఇప్పుడు ఊటీ.. అమ్మాయి క్యారెక్టర్ చుట్టూ స్టోరి.. శ్రీను వైట్ల.. ఇవన్నీ వింటుంటే ఏదో మనం ఎప్పుడో చూసిన సినిమాలు కొన్ని గర్తుకురావట్లేదూ? అదే శ్రీను వైట్ల తీసిన సినిమాలే గుర్తొస్తున్నాయి కదూ. సర్లేండి.. ధియేటర్లలో చూశాక ఆ విషయం మాట్టాడుకుందాం.