వరుణ్ టైటిల్ ఇంట్రెస్టింగ్ ఉందే!!

మెగా హీరోలందరు ఒక ఫార్మాట్ లో వెళుతుంటే వరుణ్ తేజ్ మాత్రం కొంచెం డిఫెరెంట్ గా వెళుతున్నాడనే చెప్పాలి. ఇటీవల ఒక స్పెస్ థ్రిల్లర్ కథకు గ్రీన్ సిగ్నల్ ఇచ్చిన సంగతి తెలిసిందే. ఫిదా - తొలిప్రేమ సినిమాలతో వరుసగా హిట్ అందుకున్న తరువాత వరుణ్ మార్కెట్ కొంచెం పెరిగిందనే చెప్పాలి. దీంతో నెక్స్ట్ సినిమా బడ్జెట్ కూడా కొంచెం పెరిగేలా కనిపిస్తోంది. ఆ సినిమాకు సంబందించిన పనులు శరవేగంగా సాగితున్నాయి.

ఇకపోతే సినిమా టైటిల్ ను కూడా ఇటీవల చిత్ర యూనిట్ ఫైనల్ చేసిందని టాక్. దర్శకుడు సంకల్ప్ రెడ్డి ఆలోచన ప్రకారం అందరికి అర్థమయ్యేలా అంతరిక్షం అని సెట్ చేసుకున్నట్లు తెలుస్తోంది. ప్రొడ్యూసర్ రాజీవి రెడ్డి ఫిల్మ్ ఛాంబర్ లో టైటిల్ ను లాక్ చేయించినట్లు సమాచారం. కేవలం ఇదే టైటిల్ అని కాకుండా చిత్రీకరణ దశ ఎండింగ్ లోపు మరికొన్ని టైటిల్స్ గురించి ఆలోచించనున్నారట. ఇక దర్శకుడు సంకల్ప్ రెడ్డి సినిమాను చాలా కాస్ట్లీగా తెరకెక్కిస్తున్నాడు.

ఘాజి ఇచ్చిన విజయంతో మనోడి పేరు చాలా పెరిగిపోయింది. దీంతో నిర్మాతల నుంచి ఈ సారి మరింత మద్దతు లభించింది. వ్యోమగామిగా వరుణ్ ఈ సినిమాలో కనిపించనున్నాడు. గెలాక్సీ లో ఎలా ఉంటారు అనే విషయాలపై కోచింగ్ తీసుకుంటున్నాడు. ఇక వరుణ్ సరసన అదితి రావ్ హైదారి - లావణ్య త్రిపాఠి హీరోయిన్ గా నటించనున్నారు.