ప్రీ టీజర్ కి ఇంత హంగామానా ?

ఇవాళ వరుణ్ తేజ్ వాల్మీకి ప్రీ టీజర్ విడుదల కానుంది. అందులో విశేషమేముంది అందరూ చేసేదే కదా అని అనుమానం రావొచ్చు. అసలు మ్యాటర్ ఏంటంటే ఇది టీజర్ కాదు దానికి ముందస్తుగా వస్తున్న ప్రీ టీజర్ అన్నమాట. కేవలం అరనిమిషం కన్నా తక్కువ ఉండే ఈ వీడియోలో ఎలాంటి డైలాగులు ఉండవు. పాత్రల పరిచయం కూడా ఉండకపోవచ్చు.

జస్ట్ వరుణ్ ని ముందు నుంచో వెనుక నుంచో చూపించి లేదా అదీ లేకుండా అప్పుడెప్పుడో కాటమరాయుడుకు ముందు పంచెను ఆ తర్వాత ఫేస్ ని చూపించిన తరహాలో ఎదైనా వెరైటీగా ట్రై చేశారేమో చూడాలి. ఇదేముంది ఇక మూడు గంటల్లో రెండు గంటల్లో అంటూ యూనిట్ దీని గురించి పోస్టర్ల మీద పోస్టర్లు వదులుతోంది. డీజే తర్వాత గ్యాప్ తీసుకుని చేస్తున్న మూవీ కాబట్టి దర్శకుడు హరీష్ శంకర్ దీని మీద చాలా హోప్స్ తో ఉన్నాడు.

అదంతా ఓకే కానీ ఇలా మరీ చిన్న వీడియో బిట్లకు సైతం ఇంత ప్రచారం చేయడం చూస్తుంటే ఆశ్చర్యం వేయక మానదు. పోనీ ఎవరో కొత్త హీరో ఇంత చేస్తేనే హైప్ వస్తుంది అనుకుంటే అది వేరే సంగతి. మెగా ప్రిన్స్ గా అభిమానులు పిలుచుకునే వరుణ్ తేజేగా. ఇంత హంగామా ఎందుకు. పోనీ నిమిషంన్నర ఉండే టీజరో ట్రైలరో అయితే ఇలా చేయడం పాయింటే. కానీ వాల్మీకి బిల్డప్ అలా లేదుగా. ఇంతగా ఊరిస్తున్నారు అంటే అంత స్పెషల్ ఆ టీజర్ లో ఏముందో ఇంకో గంటలో వస్తుందిగా చూద్దాం