నీహారిక.. మిస్టర్ వెయిటింగ్!!

మెగా ఫ్యామిలీ హీరో వరుణ్ తేజ్ మూవీ ఓ సినిమాలో యాక్ట్ చేసి ఆరు నెలలు దాటిపోయింది. అప్పట్లో లోఫర్ రిలీజ్ తర్వాత క్రిష్ తో ఓ ప్రాజెక్టు అనుకోవడం, ఆగిపోవడం కారణంగా లేట్ అయింది. ఆ తర్వాత శ్రీనువైట్లతో సినిమా కన్ఫాం చేసినా.. ఇంకా ఆ మూవీ పట్టాలెక్కలేదు. టీమ్ అంతటికీ స్పెయిన్ వీసాలు రాకపోవడమే కారణంగా ఇప్పటివరకూ చెప్పారు. ఇప్పుడు హీరోతో సహా మొత్తం కాస్ట్ అండ్ క్రూ మొత్తానికి వీసాలు వచ్చేసినా వరుణ్ తేజ్ మాత్రం ఇంకా స్పెయిన్ ఫ్లైట్ ఎక్కలేదు.

మెగాహీరో మిస్టర్ షూటింగ్ కు వెళ్లకపోవడానికి కారణం ఇప్పుడు తెలుస్తోంది. నిజానికి ఇప్పటికే టికెట్స్ బుకింగ్ తో అన్నీ అయిపోయినా.. కావాలనే ఆగాడట వరుణ్ తేజ్. ఈ నెల 24న తన సోదరి నీహారిక నటించిన మొదటి సినిమా ఒక మనసు విడుదల కానుండడంతో.. ఆ మూవీ కోసమే ఆగినట్లు సమాచారం. తన బ్రదర్ కోసం ఒక మనసును స్పెషల్ షో వేయించడం నీహారికకు పెద్ద మ్యాటర్ కాకపోయినా.. వరుణ్ ఆగడంలో మరో రీజన్ కూడా ఉందట.

తన సిస్టర్ సినిమాని ఆడియన్స్ ఎలా రిసీవ్ చేసుకుంటారో.. ఫ్యాన్స్ ఎలా ఓన్ చేసుకుంటారో అనే ఆసక్తితో ఉన్నాడట వరుణ్ తేజ్. అందుకే ఆ ఫీల్ ని స్వయంగా ఫీలవ్వాలని ఫిక్స్ అయ్యాడట. ఒక మనసు రిలీజ్ అయ్యాక.. ఆ రిజల్ట్ ని చూసి సంతృప్తిగా స్పెయిన్ ఫ్లైట్ ఎక్కాలనే.. ఇప్పటికి తన ప్రయాణాన్ని పోస్ట్ పోన్ చేసుకున్నాడన్నది లేటెస్ట్ టాక్.