నేషనల్ అవార్డ్ విన్నర్ బాబీ సింహా 'వసంత కోకిల' ఫస్ట్ లుక్..!

నేషనల్ అవార్డ్ విన్నింగ్ యాక్టర్ బాబీ సింహా 'డిస్కో రాజా' సినిమాతో తెలుగులోకి గ్రాండ్ ఎంట్రీ ఇచ్చిన సంగతి తెలిసిందే. రవితేజ హీరోగా ఎస్.ఆర్‌.టి. ఎంటర్టైన్మెంట్స్ బ్యాన‌ర్‌ పై తెరకెక్కిన ఈ చిత్రంలో బాబీ సింహా నెగెటివ్ షేడ్స్ ఉన్న పాత్రలో కనిపించి అలరించాడు. ఈ క్రమంలో ఇప్పుడు అదే బ్యానర్ లో బాబీ సింహా తెలుగులో హీరోగా సినిమా చేస్తున్నాడు. డెబ్యూ డైరెక్టర్ రమణన్ పురుషోత్తమ తెరకెక్కిస్తున్న ఈ చిత్రానికి ''వసంత కోకిల'' అనే టైటిల్ ని ఖరారు చేశారు. ఈ చిత్రాన్ని రామ్ తాళ్లూరి సమర్పణలో ఎస్.ఆర్‌.టి. ఎంటర్టైన్మెంట్స్ మరియు ముద్రాస్ ఫిల్మ్ ఫ్యాక్టరీ బ్యానర్స్ పై రజినీ తాళ్లూరి - రేష్మీ సింహా నిర్మిస్తున్నారు.

తాజాగా ''వసంత కోకిల'' సినిమాకి సంబంధించిన ఫస్ట్ లుక్ పోస్టర్ ని చిత్ర యూనిట్ విడుదల చేసింది. ఈ పోస్టర్ లో హీరో బాబీ సింహా వర్షంలో తడుస్తూ చేతిలో ఒక వెపన్ పట్టుకొని సీరియస్ లుక్ లో కనిపిస్తున్నాడు. టైటిల్ కూడా ఆసక్తికరంగా డిజైన్ చేయబడింది. భారీ బడ్జెట్ తో తెరకెక్కిన ఈ చిత్రాన్ని తెలుగు తమిళ భాషల్లో రిలీజ్ చేస్తారని తెలుస్తోంది. కాగా, 'ప్రేమమ్' సినిమాకి అద్భుతమైన సంగీతాన్ని అందించిన రాజేష్ మురుగేసన్ ఈ చిత్రానికి సంగీతం సమకూర్చారు. 'పేట' 'ఆదిత్య వర్మ' లకు ఎడిటర్ గా చేసిన వివేక్ హర్షన్ ఈ చిత్రానికి వర్క్ చేస్తున్నాడు. 'వసంత కోకిల' సినిమాని త్వరలోనే ప్రేక్షకుల ముందుకు తీసుకురావడానికి మేకర్స్ సన్నాహకాలు చేస్తున్నారు.